តើពាក្យ «រ៉ាវ» មានន័យដូចម្ដេច ?

រ៉ាវ

👉ថ្នាក់ពាក្យជា នាមសព្ទ
មានន័យថា ឃ្នាងវែង សម្រាប់ដាក់មនុស្សដែលជាប់ចោទជាទម្ងន់ ចងដៃជើងទាំងពីរទាញសន្ធឹងតឹងភ្ជាប់នឹងស្នឹងខាងមុខ ចងចង្កេះទាញតឹងភ្ជាប់នឹងស្នឹងខាងក្រោយ វាយសួរយកចម្លើយ ។
ឧទាហរណ៍៖ ចងរ៉ាវ, វាយរ៉ាវ ( មានប្រើតែក្នុងរាជ្យពីដើម ) ។

👉ថ្នាក់ពាក្យជា គុណនាម
មានន័យថា ( ព. ប្រ. ) ដែលរួសឥតទាក់ឥតទច់ ។
ឧទាហរណ៍៖ និយាយរ៉ាវ, អានសំបុត្ររ៉ាវ, សម្ដីរ៉ាវ ។

                      រួសរ៉ាវ រួសរាយ ។

👉ថ្នាក់ពាក្យជា កិរិយាវិសេសន៍
មានន័យថា ( ព. ប្រ. ) ដែលរួសឥតទាក់ឥតទច់ ។
ឧទាហរណ៍៖ និយាយរ៉ាវ, អានសំបុត្ររ៉ាវ, សម្ដីរ៉ាវ ។

                      រួសរ៉ាវ រួសរាយ ។

👉ថ្នាក់ពាក្យជា ឧទានសព្ទ
មានន័យថា សូរឮដោយប៉ះ, រណ្ដំឬបាក់ នៃវត្ថុរឹងស្រួយមានច្រវាក់ជាដើម ។
ឧទាហរណ៍៖ សូរច្រវាក់រ៉ាវៗ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត