លោកមហាសេដ្ឋី Daniel Och ជានាយកប្រតិបត្តិនៃក្រុមហ៊ុន Och-Ziff Capital Management Group ដែលជាមូលនិធិការពារហានិភ័យសកល

លោក Daniel Och កើតនៅឆ្នាំ ១៩៦១ គឺជាអ្នកវិនិយោគិនជនជាតិអាមេរិក។ ដែលជាអ្នកគ្រប់គ្រងមូលនិធិការពារហានិភ័យ និងជាសប្បុរសជន។ គាត់គឺជាប្រធាន និងជានាយកប្រតិបត្តិនៃក្រុមហ៊ុន Och-Ziff Capital Management Group ដែលជាមូលនិធិការពារហានិភ័យសកល និងជាក្រុមហ៊ុនគ្រប់គ្រងទ្រព្យសម្បត្តិជំនួស។

នេះបើយោងតាមទស្សនាវដ្តី Forbes គាត់មានទ្រព្យសម្បត្តិសុទ្ធចំនួនប្រមាណ ៣,២ ពាន់លានដុល្លារអាមេរិក (គិតត្រឹមខែ កុម្ភះ ឆ្នាំ ២០១៧) ពោលគឺការធ្លាក់ចុះពីចំនួនទឹកប្រាក់សុទ្ធប្រមាណ ៣.៧ ពាន់លានដុល្លារអាមេរិកកាលពីឆ្នាំ ២០១៦ ។

ជីវិតដំបូង និងការអប់រំ៖

លោក Daniel Och គឺជាកូនប្រុសរបស់លោកស្រី Golda និងវេជ្ជបណ្ឌិត Michael Och ។ គាត់បានធំធាត់ទ្បើងនៅ Maplewood រដ្ឋ New Jersey ហើយគាត់បានចូលរៀននៅសាលា Solomon Schechter Day of Essex និង Union  នៅ West Orange រដ្ឋ New Jersey ដែលជាសាលាជ្វីហ្វដែលបានបង្កើតដោយឪពុកម្តាយរបស់គាត់។

នៅខែ ធ្នូ ឆ្នាំ ២០១០ គាត់បានបរិច្ចាគប្រាក់ចំនួន ១៥ លានដុល្លារដល់សាលាដោយផ្តល់អំណោយទ្វេដងសម្រាភាគទានរបស់សាលា។ គាត់មាន B.S. ខាងផ្នែកសេដ្ឋកិច្ចជាមួយនឹងការផ្តោតអារម្មណ៍លើផ្នែកហិរញ្ញវត្ថុពីសាលា Wharton នៃសាកលវិទ្យាល័យ Pennsylvania ។

អាជីព និងការវិនិយោគ៖

នៅឆ្នាំ ១៩៨២ លោក Daniel Och បានចាប់ផ្តើមអាជីពរបស់គាត់នៅក្នុងក្រុមហ៊ុន Goldman Sachs ក្នុងនាមជានាយកដ្ឋានហានិភ័យ។ ក្រោយមកគាត់ជាប្រធានផ្នែកពាណិជ្ជកម្ម ដែលជាកម្មសិទ្ធិក្នុងផ្នែកសមធម៌ និងជាសហប្រធាននៃការជួញដូរភាគហ៊ុនអាមេរិក។ គាត់បានធ្វើការនៅក្រុមហ៊ុន Goldman Sachs អស់រយៈពេល ១១ ឆ្នាំ។

ក្នុងឆ្នាំ ១៩៩៤ គាត់បានបង្កើតក្រុមហ៊ុនគ្រប់គ្រង Och-Ziff Capital Group ជាមួយនឹងការវិនិយោគដំបូង ១០០ លានដុល្លារពីបងប្អូន Ziff ដែលជាអ្នកទទួលមរតកពីការបោះពុម្ពផ្សាយ។ លោក William Bernard Ziff, Jr Och-Ziff បានបញ្ចប់ការផ្តល់ជូនជាសាធារណៈជាលើកដំបូងនៅឆ្នាំ ២០០៧ ។ ដោយបានចុះបញ្ជីភាគហ៊ុនរបស់ខ្លួននៅផ្សារហ៊ុនញូវយ៉កដំបូងក្នុងតម្លៃ ៣២,០០ ដុល្លារ។ ភាគហ៊ុនរបស់ក្រុមហ៊ុនបានធ្លាក់ចុះគួរឱ្យកត់សម្គាល់ចាប់តាំងពី IPO ឈានដល់កម្រិតទាបគ្រប់ពេលគឺ ៣.២៩ នៅថ្ងៃទី ២២ ខែ​ កក្កដា ឆ្នាំ ២០១៦ ។

ក្នុងខែ កុម្ភៈ ឆ្នាំ ២០១៤ តាមទស្សនាវដ្តី Forbes បានចុះបញ្ជីលោក  Daniel Och  ជាអ្នកគ្រប់គ្រងមូលនិធិការពារហានិភ័យដែលបានរកប្រាក់ចំណូលខ្ពស់បំផុត ២៥ ក្នុងឆ្នាំ ២០១៣។ ប្រាក់ចំណូលសរុបរបស់គាត់មានចំនួនប្រមាណ ៤០០ លានដុល្លារអាមេរិក។ ដែលគាត់បានជាប់ចំណាត់ថ្នាក់ទី ១៧ ក្នុងចំណោមអ្នកគ្រប់គ្រងមូលនិធិការរកប្រាក់ចំណូលខ្ពស់បំផុតទាំង ២៥ ។

នៅថ្ងៃទី ៨ ខែឧសភា ឆ្នាំ ២០១៥ គាត់ត្រូវបានក្រុមសកម្មជន “Hedge Clippers” ដែលបានធ្វើការតវ៉ានៅខាងក្រៅគេហដ្ឋានរបស់គាត់នៅខាងលិចនៃទីក្រុងញូវយ៉ក។ កាលពីខែ កញ្ញា ឆ្នាំ ២០១៦ រដ្ឋាភិបាលសហរដ្ឋអាមេរិកបានពិន័យជាប្រាក់ ២,២ លានដុល្លារ និងមូលនិធិ Och-Ziff ចំនួន ៤១៣ លានដុល្លារសម្រាប់ការបង់ប្រាក់សំណូកជាង ១០០ លានដុល្លារដល់មន្ត្រីរដ្ឋាភិបាលអាហ្វ្រិកផ្សេងៗទៀត។

ប្រភព៖ Phnom Penh HR