តើពាក្យ «ម្ចាក់» មានន័យដូចម្ដេច ?

ម្ចាក់

👉ថ្នាក់ពាក្យជា បរិវារសព្ទ
មានន័យថា ( ព. សា. ) មួយចាក់ ។ ពាក្យសាមញ្ញជាគ្រាមភាសា សម្រាប់និយាយផ្សំជាមួយនឹងពាក្យ ម្ចាន ( មួយចាន ) ថា : កុំឲ្យវាច្រើនពេក, ឲ្យតែត្រឹមតែម្ចាក់ម្ចានបានហើយ ។ និយាយផ្សំជាមួយនឹងពាក្យ ម្ចុប ( មួយចុប ) ថា : ខ្ញុំឥតដែលបានដើរទៅត្រង់ទីហ្នឹង ម្ចាក់ម្ចុបសោះទេ ។ ផ្សំជាមួយនឹងពាក្យ ម្ចូក ( មួយចូក ) ថា : ឲ្យអញខ្ចីអង្ករម្ចាក់ម្ចូកមក៍ហង ! ; គ្នាមកសុំទាន, គួរឲ្យអង្ករគ្នាម្ចាក់ម្ចូកទៅ ! ។ ផ្សំជាមួយនឹងពាក្យ ម្ចែស ( មួយចែស ) : វាថាខ្ញុំត្បកក្បាលវា, ខ្ញុំឥតដែលបានត្បកក្បាលវាម្ចាក់ម្ចែសពីអង្កាល់ទេ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត