លោកមហាសេដ្ឋី Sri Prakash Lohia ជាស្ថាបនិក និងជាប្រធានក្រុមហ៊ុន Indorama Corporation ដែលជាក្រុមហ៊ុនប្រេងឥន្ធនៈ និងវាយនភ័ណ្ឌ

លោក Sri Prakash Lohia កើតនៅថ្ងៃទី ១១ ខែ សីហា ឆ្នាំ ១៩៥២ គឺជាស្ថាបនិក និងជាប្រធានក្រុមហ៊ុន Indorama Corporation ដែលជាក្រុមហ៊ុនប្រេងឥន្ធនៈ និងវាយនភ័ណ្ឌ ។ លោក Lohia បានចំណាយពេលភាគច្រើននៃអាជីពរបស់គាត់នៅក្នុងប្រទេសឥណ្ឌូនេស៊ីចាប់តាំងពីឆ្នាំ ១៩៧៤ ។

ជីវិតដំបូង៖

លោក Lohia បានបញ្ចប់ការសិក្សាពីសាកលវិទ្យាល័យដេលីក្នុងឆ្នាំ ១៩៧១ ជាមួយនឹងបរិញ្ញាបត្រផ្នែកពាណិជ្ជកម្ម ។ ក្នុងឆ្នាំ ១៩៧៣ គាត់បានផ្លាស់ទៅរស់នៅក្នុងប្រទេសឥណ្ឌូនេស៊ីជាមួយឪពុករបស់គាត់ហើយបានចាប់ផ្តើមបង្កើតក្រុមហ៊ុន Indorama Synthetics ដោយបានចាប់ផ្តើមផលិតអំបោះស្ពាន់នៅឆ្នាំ ១៩៧៦ ។

នៅឆ្នាំ ១៩៩១ ក្រុមហ៊ុន Indorama Synthetics បានចាប់ផ្តើមធ្វើពិពិធកម្មទៅជាការផលិតសរសៃ polyester ហើយបន្ទាប់មកជ័រ polyester-grade (PET) នៅឆ្នាំ ១៩៩៥ ។ នៅឆ្នាំ ២០០៦ ក្រុមហ៊ុនរបស់លោក Lohia បានទិញយករោងចក្រផលិតប្រេងអូលីវហ្វីននៅប្រទេសនីហ្សេរីយ៉ាដែលសព្វថ្ងៃវាគឺជាក្រុមហ៊ុនប្រេងឥន្ធនៈដ៏ធំជាងគេនៅអាហ្វ្រិកខាងលិច និងជាក្រុមហ៊ុនផលិតអូទីហ្វីនដ៏ធំជាងគេនៅលំដាប់ទី ២ នៅទ្វីបអាហ្វ្រិកផងដែរ ។

ក្រុមហ៊ុនសាជីវកម្ម Indorama គឺជាក្រុមហ៊ុនកាន់កាប់ភាគហ៊ុនដ៏ធំរបស់លោក Lohia ដែល​មានមូលដ្ឋាននៅប្រទេសសិង្ហបុរី ។ ក្នុងឆ្នាំ ២០១២ លោក Lohiaត្រូវបានប្រគល់ពានរង្វាន់ Pravasi Bharatiya Samman ដោយប្រធានាធិបតីឥណ្ឌា ។ ក្រុមហ៊ុន Indorama Ventures ដែលជាសម្ព័ន្ធពាណិជ្ជកម្មសាធារណៈនៅក្នុងទីក្រុងបាងកកដែលជាក្រុមហ៊ុនផលិត polyester ដ៏ធំជាងគេបំផុតនៅលើពិភពលោកដែលរកចំណូលបាន ៨,៤ ពាន់លានដុល្លារក្នុងឆ្នាំ ២០១៧ ។ ហើយក្រុមហ៊ុននេះមានទីតាំងផលិតកម្មជាង ៣០ ប្រទេសនៅជុំវិញពិភពលោក ។

ប្រភព៖ Phnom Penh HR