លោកមហាសេដ្ឋី Azim Premji ជាប្រធានក្រុមហ៊ុន Wipro Limited​

លោក Azim Hashim Premji កើតនៅថ្ងៃទី ២៤ ខែ កក្កដា ឆ្នាំ ១៩៤៥ គឺជាអ្នកជំនួញជនជាតិឥណ្ឌា និងជាអ្នកវិនិយោគ និងជាប្រធានក្រុមហ៊ុន Wipro Limited​ ។ គាត់ទទួលខុសត្រូវក្នុងការដឹកនាំក្រុមហ៊ុន Wipro តាមរយៈការធ្វើពិពិធកម្ម និងការរីកចម្រើនក្នុងរយៈពេល ៤ ទសវត្សរ៍ដើម្បីក្លាយជាអ្នកឈានមុខគេមួយក្នុងពិភពលោកផ្នែកឧស្សាហកម្មសូហ្វវែរ ។

ក្នុងឆ្នាំ ២០១០ លោក Azim ត្រូវបានជាប់ឈ្មោះក្នុងចំណោមអ្នកខ្លាំងបំផុតទាំង ២០ នាក់នៅលើពិភពលោកដោយទស្សនារដ្តី Asiaweek ។ គាត់ត្រូវបានចុះបញ្ជីពីរដងក្នុងចំណោមមនុស្សដែលមានឥទ្ធិពលបំផុតចំនួន ១០០ នាក់ដោយទស្សនាវដ្តី TIME ដែលបានម្តងក្នុងឆ្នាំ ២០០៤ និងថ្មីៗនេះក្នុងឆ្នាំ ២០១១ ។ ក្នុងឆ្នាំ ២០១៣ គាត់បានប្រគល់ទ្រព្យសម្បត្តិផ្ទាល់ខ្លួនរបស់គាត់ចំនួន ២៥ ភាគរយដល់សប្បុរសធម៌ ។ ហើយគាត់ក៏បានសន្យាថានឹងលះបង់ ២៥ ភាគរយទៀតក្នុងរយៈពេល ៥ ឆ្នាំខាងមុខ ។ បច្ចុប្បន្ននេះគាត់គឺជាអ្នកមានជាគេបំផុតនៅប្រទេសឥណ្ឌាជាមួយទ្រព្យសម្បត្តិសុទ្ធសរុបប្រមាណ ១៦,១ ពាន់លានដុល្លារគិតត្រឹមខែ មេសា ឆ្នាំ ២០១៧ ។

នៅទសវត្សឆ្នាំ ១៩៨០ លោក Azim បានដឹងពីសារៈសំខាន់នៃវិស័យព័ត៌មានវិទ្យាដែលកំពុងរីកចម្រើនបានឆ្លៀតយកអត្ថប្រយោជន៍ពីភាពខ្វះចន្លោះដែលបន្សល់ទុកដោយក្រុមហ៊ុន IBM ។ ហើយក្រុមហ៊ុន Wipro បានចូលរួមនៅក្នុងវិស័យបច្ចេកវិទ្យាដោយបានផលិត minicomputers និងបានសហការជាមួយក្រុមហ៊ុនអាមេរិច Sentinel Computer Corporation ។ 

ប្រភព៖ Phnom Penh HR