លោកមហាសេដ្ឋី Xue Xiangdong ជាប្រធានក្រុមហ៊ុន DHC Software ដែលជាក្រុមហ៊ុនបង្កើតកម្មវិធី Software របស់ចិន

លោក Xue Xiangdong កើតនៅឆ្នាំ ១៩៥៨ គាត់គឺជាប្រធានក្រុមហ៊ុន DHC Software ដែលជាក្រុមហ៊ុនបង្កើតកម្មវិធី Software របស់ចិន ។ លោក Xiangdong បានបញ្ចប់ការសិក្សាពីមហាវិទ្យាល័យហ៊ូណានក្នុងឆ្នាំ ១៩៧៨ ។ លោក Xiangdong បានចាកចេញពីអាជីវកម្មដែលគ្រប់គ្រងដោយរដ្ឋនៅឆ្នាំ ១៩៩២ ដើម្បីបំពេញមុខងារជាតំណាងប្រទេសចិនរបស់ក្រុមហ៊ុនកម្មវិធីសូហ្វវែរកាណាដា ។ លោក Xiangdong បានខ្ចីប្រាក់ពីធនាគារដើម្បីចាប់ផ្តើមបង្កើតក្រុមហ៊ុនកម្មវិធីសូហ្វវែរផ្ទាល់ខ្លួនរបស់គាត់នៅឆ្នាំ ១៩៩៣ ។ ក្នុងឆ្នាំ ២០០១ គាត់បានបង្កើតឡើងនូវកម្មវិធីសូហ្វវែរ DHC ។

ចាប់តាំងពីខែ តុលា ឆ្នាំ ២០១៥ យោងតាមរយះទស្សនាវដ្តី Forbes បានឲ្យដឹងថាទ្រព្យសម្បត្តិសុទ្ធរបស់គាត់មានចំនួន ២,៣ ពាន់លានដុល្លារ ។ នេះយោងតាមរយះទស្សនាវដ្តី Forbes បានឱ្យដឹងថាលោក Xue Xiangdong គឺជាពាណិជ្ជករជនជាតិម្នាក់ចិនដែលមានទ្រព្យសម្បត្តិសរុបប្រមាណ ២,៨ ពាន់លានដុល្លារគិតត្រឹមខែ មេសា ឆ្នាំ ២០១៦ ។ បច្ចុប្បន្នគាត់មានតួនាទីជាប្រធានក្រុមហ៊ុន DHC Software ដែលមានទំនាក់ទំនងជាមួយក្រុមហ៊ុនដូចជាក្រុមហ៊ុនធានារ៉ាប់រងអាយុជីវិតចិន ធនាគារអភិវឌ្ឍន៍ចិន និងធនាគារកសិកម្មនៃប្រទេសចិន ។ ហើយគាតក៏បានសហការជាមួយក្រុមហ៊ុនជាច្រើនទៀតរួមមានក្រុមហ៊ុន Cisco, HP និងក្រុមហ៊ុន IBM ផងដែរ ។