លោកមហាសេដ្ឋី Erman Ilıcak ជាប្រធានក្រុមហ៊ុន Rönesans Holding

លោក Erman Ilıcak កើតនៅឆ្នាំ 1967 ដែលជាពាណិជ្ជករជនជាតិទួរគី ។ គាត់គឺជាអ្នកវិនិយោគ និងជាប្រធានក្រុមហ៊ុន Rönesans Holding ។

ការអប់រំ៖

លោក Erman បានបញ្ចប់ការសិក្សាថ្នាក់មធ្យមសិក្សានៅមហាវិទ្យាល័យ TED Ankara ក្នុងឆ្នាំ 1985 ។ បន្ទាប់មកគាត់បានបញ្ចប់ការសិក្សាពីនាយកដ្ឋានវិស្វកម្មសំណង់ស៊ីវិលនៃសាកលវិទ្យាល័យបច្ចេកទេសមជ្ឈិមបូព៌ាក្នុងឆ្នាំ 1990 ។ គាត់បានបញ្ចប់ការសិក្សានៅសាកលវិទ្យាល័យ Vienna Economy និងកម្មវិធី MBA របស់សាកលវិទ្យាល័យ Minnesota ក្នុងឆ្នាំ 2002 ។ គាត់ក៏ទទួលបានទទួលសញ្ញាប័ត្របណ្ឌិតពីសាលាអន្តរជាតិគ្រប់គ្រងនៅទីក្រុងប៉ារីសក្នុងឆ្នាំ 2011 ។

អាជីវកម្ម៖

លោក Erman Ilıcak បានចាប់ផ្តើមអាជីពការងាររបស់គាត់នៅពេលគាត់ជានិស្សិត ។ គាត់បានចាប់ផ្តើមបង្កើតក្រុមហ៊ុន Rönesans (ក្រុមហ៊ុន Renaissance) Holding នៅ St. Petersburg ក្នុង 1993 ។ គាត់បានបន្តកាន់តំណែងជាប្រធានក្រុមហ៊ុន Rönesans Holding ។ ក្រុមហ៊ុន Rönesans Holding ប្រតិបត្តិការនៅក្នុងប្រទេសរុស្ស៊ី ទួរគី ស៊ុយអែត ស្វីស ហ្វាំងឡង់ អាល្លឺម៉ង់ បេឡារុស កាហ្សាក់ស្ថាន អូទ្រីស អាស៊ែបៃហ្សង់ អ៊ីរ៉ាក់ លីប៊ី ហ្គាបុង នីហ្សេរីយ៉ា និងប្រទេសអារ៉ាប៊ីសាអូឌីតផងដែរ ។

ទ្រព្បសម្បត្តិ៖ Erman Ilıcak

យោងតាមរយះទស្សនាវដ្តី Forbes នៃ “100 Richest Turks” លោក Erman Ilıcak ត្រូវបានជាប់ចំណាត់ថ្នាក់លេខ 10 ដែលមានទ្រព្យសម្បត្តិ 2.5 ពាន់លានដុល្លារ ។  លោក Erman Ilıcak បានក្លាយជាម្ចាស់មហោស្រពសិល្បៈអន្តរជាតិ Europalia ដែលប្រទេសតួកគីនឹងចូលរួមជាភ្ញៀវក្នុងឆ្នាំ 2015 ។ គាត់ត្រូវបានគេដាក់ឈ្មោះថា “អ្នកជំនួញប្រចាំឆ្នាំ” ដោយទស្សនាវដ្តីពាណិជ្ជកម្ម Ekovitrin ។ គាត់ក៏ជាសមាជិកក្រុមប្រឹក្សាភិបាលនៃសាកលវិទ្យាល័យ TED និងជាប្រធានក្លឹបកីឡា TED Ankara Kolejliler ផងដែរ ។

ប្រភព៖ Phnom Penh HR