លោកមហាសេដ្ឋី José Lladó Fernández-Urrutia ជាស្ថាបនិក និងជានាយកប្រតិបត្តិរបស់ក្រុមហ៊ុន Tecnicas Reunidas ដែលជាក្រុមហ៊ុនម៉ៅការសំណង់របស់ប្រទេសអេស្ប៉ាញ

លោក José Lladó Fernández-Urrutia កើតនៅឆ្នាំ 1934 ដែលជាអ្នកនយោបាយ និងជាអ្នកជំនួញជនជាតិអេស្ប៉ាញ ។ គាត់បានបញ្ចប់ការសិក្សាថ្នាក់បណ្ឌិតផ្នែកវិទ្យាសាស្ត្រគីមីនៅសាកលវិទ្យាល័យ Madrid ។ គាត់គឺជាសមាជិកកិត្តិយសនៃសមាគមគីមីអាមេរិក និងជាប្រធាននៃសមាគម CSIC ។ លើសពីនេះគាត់ក៏ត្រូវបានគេតែងតាំងជារដ្ឋមន្ត្រីក្រសួងពាណិជ្ជកម្មនៅឆ្នាំ ១៩៧៦ ហើយបន្ទាប់មកនៅឆ្នាំ ១៩៧៧ គាត់បានក្លាយជារដ្ឋមន្ត្រីក្រសួងដឹកជញ្ជូន និងទំនាក់ទំនង ។ នៅឆ្នាំ ១៩៧៩ គាត់បានក្លាយជាឯកអគ្គរដ្ឋទូតអេស្ប៉ាញប្រចាំសហរដ្ឋអាមេរិក ។ គាត់គឺជាប្រធានទីមួយនៃ Royal Patronage នៃ Museo Nacional Centro de Arte Reina Sofía ។ គាត់ក៏ជាប្រធានមូលនិធិ INCIPE និងជាម្ចាស់ពានរង្វាន់ Jury of the Arts នៃពានរង្វាន់ Prince of Asturias ចាប់តាំងពីឆ្នាំ 1991 និងជាប្រធានមូលនិធិ Xavier Zubiri ។ ហើយបន្ទាប់មកគាត់ក៏បានចូលជាសមាជិកក្រុមប្រឹក្សាភិបាលនៃក្រុមហ៊ុនសំខាន់ៗរបស់អេស្ប៉ាញ ។ លោក José Lladó គឺជាប្រធាន – ស្ថាបនិក និងម្ចាស់ភាគហ៊ុនសំខាន់នៃក្រុមហ៊ុន Tecnicas Reunidas ។

ទ្រព្យសម្បត្តិ៖ Jose Llado Fernandez-Urrutia

លោក Jose Llado Fernandez-Urrutia គឺជាអ្នកនយោបាយ និងជាអ្នកជំនួញជនជាតិអេស្ប៉ាញ ដែលមានទ្រព្យសម្បត្តិសុទ្ធ 1.6 ពាន់លានដុល្លារ។  គាត់គឺជាស្ថាបនិក និងជានាយកប្រតិបត្តិរបស់ក្រុមហ៊ុន Tecnicas Reunidas ដែលជាក្រុមហ៊ុនម៉ៅការសំណង់របស់ប្រទេសអេស្ប៉ាញ ។ ក្រុមហ៊ុនមួយនេះបានផ្តល់វិស្វកម្ម លទ្ធកម្ម និងការសាងសង់រោងចក្រឧស្សាហកម្ម និងថាមពល ជាពិសេសនៅក្នុងវិស័យប្រេង និងឧស្ម័ន ។ មិនធ្លាប់មានចាប់តាំងពីការបង្កើតនៅឆ្នាំ 1960 ក្រុមហ៊ុននេះបានប្រែក្លាយទៅជាអាជីវកម្មដែលមានតម្លៃរាប់ពាន់លានដុល្លារជាមួយនឹងប្រាក់ចំណូលប៉ាន់ស្មានចំនួន 3.6 ពាន់លានដុល្លារគិតត្រឹមក្នុងឆ្នាំ 2012 ។ ក្នុងខែ កុម្ភៈ ឆ្នាំ 2013 វាបានឈ្នះការដេញថ្លៃដើម្បីសាងសង់រោងចក្រចម្រាញ់ប្រេង Lukoil ក្នុងប្រទេសរុស្ស៊ី ចំណែកឯគម្រោងដែលកំពុងដំណើរការរបស់ខ្លួនរួមមានប្រេងឥន្ធនៈចំនួនបី។ ជាមួយនឹងរាល់គម្រោងដែលបានបញ្ចប់ដោយជោគជ័យ ហើយរាល់ការកើនឡើងនៃភាគហ៊ុនរបស់ក្រុមហ៊ុនក៏បានបង្កើនទ្រព្យសម្បត្តិសុទ្ធរបស់ Llado ចាប់តាំងពីគាត់បានកាន់កាប់ 37% នៃក្រុមហ៊ុន និងធ្វើជាប្រធាន។ ពេញមួយឆ្នាំមុន ភាគហ៊ុនបានកើនឡើងប្រហែល 30%។

ប្រភព៖ Phnom Penh HR