លោកមហាសេដ្ឋី Ren Zhengfei ជាស្ថាបនិក និងជាប្រធានក្រុមហ៊ុន Huawei Technologies Co. Ltd.

លោក Ren Zhengfei កើតនៅឆ្នាំ ១៩៤៤ ដែលជាអ្នកជំនួញជនជាតិចិន ។ គាត់គឺជាស្ថាបនិក និងជាប្រធានក្រុមហ៊ុន Huawei Technologies Co. Ltd. ដែលមានការិយាល័យកណ្តាលនៅទីក្រុងសិនជិនខេត្តក្វាងទុងហើយគាត់ក៏ជាអតីតមន្រ្តីកងទ័ពរំដោះប្រជាជនចិនម្នាក់ផងដែរ ។

នេះបើយោងតាមរបាយការណ៍ Hurun បានឲ្យដឹងថាឈ្មោះរបស់លោក Zhengfei ត្រូវបានចាត់ចូលទៅក្នុងបញ្ជីឈ្មោះមហាសេដ្ឋីពិភពលោកដែលជាប់នៅលំដាប់ទី ៥៥៦ នៅក្នុងប្រទេសចិនក្នុងឆ្នាំ ២០១៣ ជាមួយនឹងទ្រព្យសម្បត្តិឯកជនប្រមាណ ៥៩០ លានដុល្លារ ។

ជីវប្រវត្តិ៖

លោក Ren Zhengfei បានបញ្ចប់ការសិក្សានៅអនុវិទ្យាល័យហើយគាត់បានបន្តចូលរៀននៅសាកលវិទ្យាល័យឆុងឈីងក្នុងទសវត្សឆ្នាំ ១៩៦០ ។​ ហើយក្រោយមកគាត់បានចូលរួមនៅក្នុងវិទ្យាស្ថានស្រាវជ្រាវកងទ័ពរំដោះប្រជាជន PLA ដើម្បីធ្វើការជាអ្នកបច្ចេកទេសខាងយោធាដែលត្រូវបានគេរាយការណ៍នៅក្នុងអង្គភាពស្រាវជ្រាវបច្ចេកវិទ្យាព័ត៌មានរបស់កងទ័ពរំដោះប្រជាជន PLA ។

នៅក្នុងអំឡុងពេលដែលគាត់បានចូលរួមនៅក្នុងវិទ្យាស្ថានស្រាវជ្រាវកងទ័ពរំដោះប្រជាជននៅក្នុង PLA លោក Zhengfei មិនបានកាន់តំណែងយោធានោះទេ ។ គាត់ត្រូវបានគេដកចេញពីការចូលរួមជាមួយបក្សកុម្មុយនិស្តចិនហើយសម្រាប់អាជីពភាគច្រើនរបស់គាត់នៅក្នុងវិស័យយោធាដោយសារតែប្រវត្តិឪពុកម្តាយរបស់គាត់ និងទំនាក់ទំនងរបស់ពួកគេជាមួយ Kuomintang ។

ក្នុងអំឡុងពេលនេះគាត់បានទទួលខុសត្រូវចំពោះសមិទ្ធិផលបច្ចេកវិទ្យាមួយចំនួនដែលត្រូវបានទទួលស្គាល់នៅកម្រិតផ្សេងៗគ្នា ។ ដោយហេតុផលនេះគាត់ត្រូវបានគេជ្រើសរើសជាប្រតិភូមកពីវិទ្យាស្ថានស្រាវជ្រាវកងទ័ពរំដោះប្រជាជន PLA ដើម្បីចូលរួមសន្និសីទវិទ្យាសាស្ត្រជាតិក្នុងឆ្នាំ ១៩៧៨ ។

នៅឆ្នាំ ១៩៨២ លោក Zhengfei បានចូលនិវត្តន៍ពីកងទ័ពយោធាដោយសារការកាត់បន្ថយកម្លាំងពលកម្មដ៏ច្រើនដែលប៉ះពាល់ដល់បុគ្គលិកសកម្ម ៥០០,០០០ នាក់ ។ នៅឆ្នាំ ១៩៨៣ បន្ទាប់ពីក្លាយជាជនស៊ីវិលគាត់បានផ្លាស់ទៅរស់នៅទីក្រុងសិនជិនហើយបានធ្វើការនៅក្នុងក្រុមហ៊ុនអាជីវកម្មអេឡិចត្រូនិច ។

ប្រភព៖ Phnom Penh HR