លោកមហាសេដ្ឋី Gleb Fetisov ជាម្ចាស់ និងជាប្រធានធនាគារ My Bank

លោក Gleb Fetisov បានចូលរួមជាមួយក្រុមហ៊ុន Alfa Group ក្នុងឆ្នាំ ១៩៩៥ ។ គាត់បានក្លាយជាសមាជិកក្រុមប្រឹក្សាសហព័ន្ធដែលជាសភាជាន់ខ្ពស់នៃសហព័ន្ធរុស្ស៊ី ។ លោក Fetisov បានលក់ផលប្រយោជន៍អាជីវកម្មទាំងអស់របស់គាត់ក្នុងឆ្នាំ ២០១៤ រួមទាំងភាគហ៊ុនមួយចំនួននៅក្នុងក្រុមហ៊ុនទូរគមនាគមន៍ Vimpelcom ក្នុងតម្លៃសាច់ប្រាក់ប្រមាណ ១,៤ ពាន់លានដុល្លារ ។

បន្ទាប់មកគាត់បានចាកចេញពីពិភពជំនួញដើម្បីក្លាយជាអ្នកនយោបាយ​ និងជាស្ថាបនិកនៃគណបក្សសម្ព័ន្ធបៃតង ។ លោក Fetisov ត្រូវបានគេចាប់ខ្លួនភ្លាមៗបន្ទាប់ពីគាត់ត្រូវបានគេចោទប្រកាន់ពីបទកិបកេងទ្រព្យសម្បត្តិរបស់ធនាគារ ។ ហើយគាត់បានចំណាយប្រាក់ ២០០ លានដុល្លារដល់ម្ចាស់បំណុលនៅខែ កុម្ភៈ ឆ្នាំ ២០១៥ ។

នៅក្នុងខែ សីហា ឆ្នាំគាត់ត្រូវបានដោះលែងពីពន្ធនាគារហើយនៅចុងឆ្នាំ ២០១៥ គាត់បានប្រកាសថាគាត់នឹងចាកចេញពីនយោបាយ ។ នៅចុងឆ្នាំ ២០១៦ គាត់ត្រូវបានចុះនៅក្នុងបញ្ជីឈ្មោះរបស់ក្រុមហ៊ុនមួយដែលមានឈ្មោះថា FIFA Entertainment នៅហូលីវូតដែលនឹងចាប់ផ្តើមផលិតខ្សែភាពយន្តឆាប់ៗនេះ ។

ទ្រព្យសម្បត្តិ៖ Gleb Fetisov

លោក Gleb Fetisov គឺជាវិនិយោគិនជនជាតិរុស្ស៊ីដែលមានទ្រព្យសម្បត្តិសុទ្ធប្រមាណ ១,៩ ពាន់លានដុល្លារ ។ ហើយបច្ចុប្បន្ននេះគាត់គឺជាម្ចាស់ និងជាប្រធានធនាគារ My Bank ។ លោក Gleb Fetisov បានចាប់ផ្តើមបង្កើតទ្រព្យសម្បត្តិរបស់គាត់ក្នុងឆ្នាំ ១៩៩០ នៅពេលដែលគាត់បានចូលរួមក្នុងវិទ្យាស្ថានសេដ្ឋកិច្ចកណ្តាលនៃបណ្ឌិត្យសភាវិទ្យាសាស្ត្រនៃសហភាពសូវៀត ។ គាត់ទទួលបានបរិញ្ញាបត្រ និងបណ្ឌិតពីសាកលវិទ្យាល័យរដ្ឋម៉ូស្គូហើយក្រោយមកគាត់បានចូលរួមជាមួយនឹងក្រុមហ៊ុនអាល់ហ្វាគ្រុបនៅឆ្នាំ ១៩៩៥ ។

ក្នុងពេលបច្ចុប្បន្ននេះគាត់ក៏បានកាន់មុខតំណែងនាំមុខជាច្រើននៅក្នុងធនាគារពាណិជ្ជកម្ម និងក្រុមហ៊ុនហិរញ្ញវត្ថុ និងឧស្សាហកម្ម​ ។ ហើយបន្ទាប់មកគាត់បានក្លាយជាអ្នកគ្រប់គ្រងអាជ្ញាកណ្តាលនៃរោងចក្រចម្រាញ់ប្រេង Achinsk alumina នៅតំបន់ Krasnoyarsk ដែលជាមុខតំណែងដែលគាត់បានកាន់កាប់ពីឆ្នាំ ១៩៩៦ ដល់ឆ្នាំ ២០០០ ។ អាជីពនិងទ្រព្យសម្បត្តិរបស់គាត់បានកាន់ភាគហ៊ុនភាគច្រើននិងបានកាន់កាប់កៅអីជាប្រធានក្រុមប្រឹក្សាភិបាលរបស់ធនាគារ My Bank ។

ក្នុងឆ្នាំ ២០១១ គាត់បានធ្វើការវិនិយោគនៅក្នុងក្រុមហ៊ុន My Decker Capital ដែលជាក្រុមហ៊ុនវិនិយោគមួយនៅទីក្រុងប៉េកាំងដែលបានចំណាយប្រាក់ប្រហែល ១០០ លានដុល្លារអាមេរិកចូលទៅក្នុងខ្សែសង្វាក់ពាណិជ្ជកម្មដែលជាកិច្ចសហប្រតិបត្តិការថ្មីដែលជាខ្សែសង្វាក់លក់រាយដ៏ធំបំផុតរបស់ប្រទេសចិន ។

មួយឆ្នាំក្រោយមកគាត់បានបន្ថែមប្រាក់ចំនួន ៧៤០ លានដុល្លារទៅជាទ្រព្យសម្បត្តិរបស់គាត់ក្នុងនាមជាប្រធានក្រុមហ៊ុន Altimo ដែល បានលក់ចំណែក ២៥,១ ភាគរយរបស់ខ្លួនក្នុងតម្លៃ ៥,២ ពាន់លានដុល្លារទៅឱ្យប្រតិបត្តិករទូរស័ព្ទ Megafon ដែលបានគ្រប់គ្រងដោយ Alisher Usmanov ។ ហើយគាត់ក៏ជាសមាជិកម្នាក់នៃក្រុមប្រឹក្សាសហព័ន្ធដែលជាសភាជាន់ខ្ពស់នៃសហព័ន្ធរុស្ស៊ី ។ លោក Gleb Fetisov បានចាកចេញពីតួនាក្នុងឆ្នាំ ២០០៩ ដើម្បីក្លាយជាប្រធានគណបក្សបៃតងសម្ព័ន្ធប្រជាជនដែលជាគណបក្សនយោបាយថ្មីនៅនិទាឃរដូវឆ្នាំ ២០១២ ។

ប្រភព៖ Phnom Penh HR