លោកមហាសេដ្ឋី​​ Herb Chambers ជានាយកប្រតិបត្តិនៃក្រុមហ៊ុន Herb Chambers ដែលជាក្រុមហ៊ុនចែកចាយរថយន្តធំបំផុត

លោក Herbert G. Chambers កើតនៅថ្ងៃទី ១៥ ខែ វិច្ឆិកា ឆ្នាំ ១៩៤០ គឺជានាយកប្រតិបត្តិនៃក្រុមហ៊ុន Herb Chambers ដែលជាក្រុមហ៊ុនចែកចាយរថយន្តធំបំផុតចំនួន ៥៥ នៅតំបន់បូស្តុនរដ្ឋម៉ាសាឈូសេត ។ បញ្ជីឈ្មោះក្រុមហ៊ុនចែកចាយរថយន្តរបស់ក្រុមហ៊ុន Herb Chambers ត្រូវបានដាក់បញ្ចូលទៅក្នុងចុះបញ្ជីផលប័ត្រម៉ាក OEM នៅរដ្ឋMassachusetts និងNew England ។

នៅឆ្នាំ ២០១៥ ក្នុងអាយុ ៧៤ ឆ្នាំគាត់ត្រូវបានគេដាក់ឈ្មោះថាជាមនុស្សម្នាក់ក្នុងចំណោមជនជាតិអាមេរិកម្នាក់ដែលជាអ្នកមានជាងគេបំផុតក្នុងចំណោមមនុស្ស ៤០០ នាក់ដែលជាប់ចំណាត់ថ្នាក់លេខ ៣៩២ ជាមួយនឹងទឹកប្រាក់ប្រមាណ ១,៧ ពាន់លានដុល្លារនេះយោងតាមរយះទស្សនាវដ្តី Forbes ។

អាជីព៖

លោក Chambers កើតនៅទីក្រុង Dorchester រដ្ឋ Massachusetts ។ នៅពេលគាត់មានអាយុ ១៣ ឆ្នាំម្តាយរបស់គាត់បានចាប់ផ្តើមទារប្រាក់ពីគាត់ចំនួន ១៥ ដុល្លារក្នុងមួយសប្តាហ៍ហើយនេះជាពេលដែលគាត់ចាប់ផ្តើមធ្វើការនៅក្នុងផ្សារទំនើប Stop & Shop ។ គាត់បានចាប់ផ្តើមធ្វើការនៅក្នុងផ្សារទំនើបដែលជាអ្នកផ្សព្វផ្សាយប៉ុន្តែការងារសាលារបស់គាត់នៅវិទ្យាល័យនៅទីក្រុងបូស្តុនបានរងផលប៉ះពាល់ ។ ហើយបន្ទាប់មកគាត់ក៏បានឈប់រៀននៅវិទ្យាល័យក្នុងឆ្នាំជាន់ខ្ពស់របស់គាត់ ។

នៅឆ្នាំ ១៩៥៩ លោក Chambers បានឈប់រៀនហើយបានស្វែងរកគោលបំណងក្នុងជីវិតរបស់គាត់ហើយដូច្នេះគាត់ក៏បានចូលរួមជាមួយកងនាវាចររបស់សហរដ្ឋអាមេរិកក្នុងនាមជាអ្នកជំនាញខាងអាកាសចរណ៍ ។ បន្ទាប់ពីបម្រើការងារអស់រយៈពេលបួនឆ្នាំ និងទទួលបានឋានៈជាមន្ត្រីថ្នាក់ទីពីរ ។

បន្ទាប់ពីគាត់បានចាកចេញពីកងទ័ពជើងទឹកគាត់បានចាប់ផ្តើមធ្វើការជាជាងជួសជុលម៉ាស៊ីនថតចម្លងនៅខេមប្រ៊ីជរដ្ឋម៉ាសាឈូសេតក្នុងតម្លៃ ៧៥ ដុល្លារក្នុងមួយសប្តាហ៍បូករួមទាំងកម្រៃជើងសារលើកិច្ចសន្យាសេវាកម្មណាមួយដែលគាត់អាចលក់បាន ។ នៅពេលគាត់មានអាយុ ២២ ឆ្នាំគាត់បានចាប់ផ្តើមបង្កើតក្រុមហ៊ុនចែកចាយព្រីនធ័រផ្ទាល់ខ្លួនរបស់គាត់មួយដែលមានឈ្មោះថា A-Copy America ដោយមានប្រាក់កម្ចីពីឪពុកម្តាយរបស់គាត់ ។

អាជីវកម្មម៉ាស៊ីនថតចម្លងបានផ្លាស់ប្តូរពីគំរូនៃការជួលទៅជាគំរូនៃការលក់ដោយសារតែម៉ាស៊ីនថតចម្លងមានតម្លៃថោកដូចជាផលិតផល Minolta, Canon និង Sharp បន្ទាប់ពីគាត់បានចាប់ផ្តើមលក់ម៉ាស៊ីនថតចំលងរួមជាមួយការផ្គត់ផ្គង់ច្បាប់ចម្លង ។ អាជីវកម្មរបស់គាត់បានក្លាយជាអ្នកចែកចាយផលិតផល Minolta និង Canon ដ៏ធំជាងគេបំផុតនៅលើពិភពលោកដែលមាននិយោជិក ១៤០០ នាក់នៅក្នុងការិយាល័យចំនួន ៣៦​ កន្លែង ។

នៅឆ្នាំ ១៩៨៣ លោក Chambers បានលក់អាជីវកម្ម A-Copy ទៅឱ្យក្រុមហ៊ុនសាជីវកម្ម Alco Standard Corporation ក្នុងតម្លៃ ៨០ លានដុល្លារហើយគាត់ក៏បានបន្តសហប្រតិបត្តិការជាមួយក្រុមហ៊ុនរយៈពេល ២ ឆ្នាំបន្តទៀត ។ ហើយគាត់បានចាប់ផ្តើមបង្កើតអាជីវកម្មផលិតរថយន្តរបស់គាត់បន្ទាប់ពីគាត់បានទិញយកក្រុមហ៊ុនលក់រថយន្ត Cadillac នៅទីក្រុង New London រដ្ឋ Connecticut ក្នុងឆ្នាំ ១៩៨៥ ។ នៅពេលដែលគាត់បានធ្វើឱ្យប្រសើរឡើងនូវប្រតិបត្តិការរបស់ក្រុមហ៊ុនចែកចាយរថយន្តដំបូងនេះគាត់បានចាប់ផ្តើមបង្កើតក្រុមហ៊ុន Herb Chambers Companies ។

ប្រភព៖ Phnom Penh HR