តើពាក្យ «វិសាមញ្ញ» មានន័យដូចម្ដេច ?

វិសាមញ្ញ

👉ថ្នាក់ពាក្យជា គុណនាម
មានន័យថា ( បា. ឬ សំ. ) ដែលប្លែកពីធម្មតាឬពីសព្វដង; ដែលខុសប្រក្រតី; ដែលមិនមែនជាសាធារណៈ, មិនទួទៅ ។ ព. ផ្ទ. សាមញ្ញ ឬ សាមាន្យ ។ វិសាមញ្ញការណ៍ ឬ –ហេតុ ( –ម៉ាញ់-ញ៉ៈ– ) ហេតុឬដំណើរប្លែកពីសព្វដង ។ វិសាមញ្ញនាម ( –ម៉ាញ់-ញ៉ – ) នាមដែលមិនទួទៅ ( អសាធារណនាម ) ។ វិសាមញ្ញលក្ខណៈ ( –ម៉ាញ់-ញ៉ៈល័ក-ខៈណៈ ) លក្ខណៈប្លែកពីធម្មតា, ពីប្រក្រតី ។ ល ។ សន្និបាតវិសាមញ្ញ, សេចក្ដីរាយការណ៍វិសាមញ្ញ, ការប្រជុំវិសាមញ្ញ គឺសន្និបាតពិសេស, សេចក្ដីរាយការណ៍ពិសេស, ការប្រជុំពិសេសខុសពីធម្មតា, ខុសពីប្រក្រតី, ( ដែលផ្ទុយពី សាមញ្ញ ) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត