តើពាក្យ «ប្រយោគសម្បត្តិ» មានន័យដូចម្ដេច ?

ប្រយោគសម្បត្តិ

👉ថ្នាក់ពាក្យជា នាមសព្ទ
មានន័យថា ( សំ.; បា. បយោគសម្បត្តិ ) ការបរិបូណ៌ដោយកាយប្រយោគនិងវចីប្រយោគ គឺសភាពនៃបុគ្គលដែលមានអ្នកធំស្រឡាញ់រាប់អានកាន់ទ្រង់ ក៏អាចញ៉ាំងសេចក្ដីចម្រើនឲ្យលូតលាស់កើតកើនបាន ។
ឧទាហរណ៍៖ ប្រយោគសម្បត្តិអាចរារាំងបាំងមុខបាបតិចតួច ស្តួចស្ដើងឲ្យងាស់គាំងចេញមុខឲ្យផលពុំកើត . . . ( ពាក្យព្រះអភិធម្ម ពុទ្ធសាសនា ) ។

                       ការបរិបូណ៌ដោយដំណើរប្រកបព្យាយាម គឺការប្រឹងប្រែងមិនបន្ធូរបន្ថយវីរិយភាពដ៏ត្រឹមត្រង់តាមផ្លូវសុចរិតយុត្តិធម៌ ។
ឧទាហរណ៍៖ បុគ្គលដែលប្រកបដោយប្រយោគសម្បត្តិ តែងតែកម្ចាត់នូវសភាពទន់ទាបបាន ( ប្រើជា ប្រយោគសម្បទា វិញក៏បាន មានអត្ថន័យដូចគ្នាដែរ ) ។ ព. ផ្ទ. ប្រយោគវិបត្តិ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត