តើពាក្យ «ប្រើសស្បូវ» មានន័យដូចម្ដេច ?

ប្រើសស្បូវ

👉ថ្នាក់ពាក្យជា នាមសព្ទ
មានន័យថា -ទំហំ ៖ ក្បាល-ដងខ្លួន: 2.100 ម.ម, កំពស់ត្រង់ស្មា: 1.300 ម.ម, ទំនង់ : 120-200 គក្រ។ -ភិនភាគ ៖ ជាថនិកសត្វតិណាសី ស្ថិតក្នុងត្រកូលប្រើសដែលមានមាឌធំជាងគេ ។ រោមស្រោបជុំវិញខ្លួន ពណ៌ប្រផេះស្ទើរ និងម្ដុំក រោមញឹកសណ្ឋានជាប្រែង ។ -ជីវសាស្រ្ត ៖ ជាសត្វរស់នៅជំរកច្រើនបែបរាប់ទាំងព្រៃស្រោង ពាក់កណ្ដាលស្រោង និងព្រៃល្បោះ ។ ប្រើសស្បូវមានទំលាប់ចេញរកស៊ីនៅពេលយប់ ចាប់ពីថ្ងៃលិចរហូតដល់ថ្ងៃរះ ។ ដើមរដូវភ្លៀង ជាពេលកាមសញ្ញាដែលប្រើសឈ្មោលស្កាត់រកហ្វូងប្រើសញី ដោយចេតនា ។ -របាយ និង ស្ថានភាព៖ ជាប្រភេទសត្វមានវត្តមាននៅគ្រប់តំបន់ព្រៃឈើនៃប្រទេស និងត្រូវបានហាមឃាត់ការបរបាញ់ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត