តើពាក្យ «ព្រហែត» មានន័យដូចម្ដេច ?

ព្រហែត

👉ថ្នាក់ពាក្យជា គុណនាម
មានន័យថា ដែលមានរសជាតិ ឬក្លិនស្ទើរមិនប្រាកដ, មិនស៊ប់ទៅខាងណា គឺមិនប្រាកដជាប្រៃ ឬភ្លាវ, ជូរ ឬចត់, ក្រពុល ឬហាងជាដើម។
ឧទាហរណ៍៖ រសព្រហែត; ក្លិនព្រហែត, ធុំព្រហែត ។

                    មាត់ប្រហែត ឬ ព្រហែតមាត់ មាត់ដែលប្រហាតមិនចាប់រសជាតិ គឺដឹងរសមិនប្រាកដ ព្រោះជិវ្ហាបសាទប្រែប្រួលខុសប្រក្រតី ដោយហេតុទាស់មានទើបនឹងស្វាងគ្រុនជាដើម ។ ព្រហែតៗ ( ព្រហ៊ែត-ព្រហ៊ែត ) ដែលមានអាការស្ពែតៗ ( ប្រើចំពោះតែមុខនិងមាត់ )។
ឧទាហរណ៍៖ ធ្វើមុខព្រហែតៗ, ធ្វើមាត់ព្រហែតៗ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត