តើពាក្យ «ព្រាយ» មានន័យដូចម្ដេច ?

ព្រាយ

👉ថ្នាក់ពាក្យជា កិរិយាសព្ទ
មានន័យថា ខ្ចាយកម្ទេចរងើកភ្លើងឬផ្កាភ្លើងចេញព្រាត, បែកខ្ចាយពន្លឺចេញព្រាត។
ឧទាហរណ៍៖ ផ្កាភ្លើងព្រាយចេញ, ដាប់ថ្មព្រាយចេញភ្លើង ។

                    ភ្លឺព្រោងព្រាយ ភ្លឺពណ្ណរាយ គឺភ្លឺចេញរស្មីរាយព្រាតៗ ។

👉ថ្នាក់ពាក្យជា នាមសព្ទ
មានន័យថា ភូត, បិសាចពួកមួយដែលគេច្រើនជឿថាតែងចូលជ្រែកយាយីមនុស្សឲ្យឈឺចាប់ ។ ព្រាយហោះ ពន្លឺដែលភ្លឺព្រោងព្រាយរតាយៗ ឬភ្លឺធ្លោឯអាកាសក្នុងវេលាយប់ម្ដងៗ ។ ស្លាប់ព្រាយ ស្លាប់ដោយសម្រាលកូនពុំរួច ឬស្លាប់ទាំងកូននៅក្នុងផ្ទៃ ។