តើពាក្យ «រង្គ» មានន័យដូចម្ដេច ?

រង្គ

👉ថ្នាក់ពាក្យជា នាមសព្ទ
មានន័យថា ( សំ. បា. រង្គ “គ្រឿងជ្រលក់, ទឹកជ្រលក់; ថ្នាំព័ណ៌” ) ។
ឧទាហរណ៍៖ ជ័រមានសម្បុរលឿង សម្រាប់ប្រើជាថ្នាំគំនូរ ឬប្រើជាថ្នាំរម្ងាប់រោគខ្លះក៏បាន ។

                     ( សំ. បា. ) ការរីករាយសប្បាយ, ល្បែងរបាំ, ល្ខោន; ចម្បាំង ។
ឧទាហរណ៍៖ ទៅកាន់ទីរង្គ, កណ្ដាលរឿនរង្គ ។

                      ប្រើជាបទសមាស, ដូចជា រង្គភូមិ ( រង់-គៈភូម ) ទីលេងមហោស្រព; សមរភូមិ ( ទីចម្បាំង ) ។ រង្គសាល ឬ រង្គសាលា ( រង់គៈ— ) រោងរាំ, រោងល្ខោន ។ល។

                       ព្រឹក្ស កម្ពស់ ១០-២០ ម ដុះក្នុងព្រៃធំ និងព្រៃស្រោង នៃប្រទេសកម្ពុជា វៀតណាម និងថៃឡង។ គេនិយមដាំរង្គជាលម្អនៅ Singapore និង Java។​ ដើមទាំងមូលមានជ័រស្អិត សម្រាប់ប្រើជាថ្នាំទឹក គូរគំនូរ ជាពណ៌លឿង។ គេអាចប្រើជ័រនេះធ្វើវែរនិ សម្រាប់លាបដែក។ គ្រូខ្មែប្រើជ័រធ្វើថ្នាំព្យាបាលជំងឺក្អក ផ្តាសាយ និងជំងឺរលាងទងសួត។ ជ័រនេះ អាចប្រើជាថ្នាំព្រូនវែង។ ឈើថ្មី បើមិនសូវជាប់យូរ អាចប្រើសម្រាប់សង់ផ្ទះបាន។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត