តើពាក្យ «រូង» មានន័យដូចម្ដេច ?

រូង

👉ថ្នាក់ពាក្យជា កិរិយាសព្ទ
មានន័យថា ជីកលុង ឬកកាយទៅខាងឲ្យកើតជារន្ធធំ ។
ឧទាហរណ៍៖ យកចបរូងទៅខាងឲ្យជ្រៅបន្តិចទៅ ! ។

                      របេះរលុះខូងជ្រៅ ។

ឧទាហរណ៍៖ រលកបោករូងច្រាំង, ដំបៅស៊ីរូងសាច់ ។

                     ព. ប្រ. បៀតបៀនរឿយៗយកទ្រព្យសម្បត្តិអំពីមាតាបិតា ឬអំពីអ្នកទំនុកបម្រុង ។

ឧទាហរណ៍៖ កាលពីដើម គាត់មានទ្រព្យគ្រាន់បើ ឥឡូវទៅជាអ្នកក្រ ព្រោះកូនប្រុសស្រីវារូងគាត់ ។

👉ថ្នាក់ពាក្យជា នាមសព្ទ
មានន័យថា រន្ធធំជ្រៅ ។
ឧទាហរណ៍៖ រូងឈើ, រូងដី, រូងភ្នំ ។

                      រូងរាម រូងនិងរនាម ។
ឧទាហរណ៍៖ ភិតភ័យខ្លាំងរត់ពួនក្នុងរូងរាម ។

                     ព. ប្រ. និយាយបើកកេរ្ដិ៍អស់អាថ៌កំបាំងហាក់ដូចជាកកាយយកពីក្នុងរូងក្នុងរាមមកមិនសល់ ។
ឧទាហរណ៍៖ រំលើកបើកកកាយរឿងរ៉ាវពីក្នុងរូងរាមឯណាមកអស់គ្មានសល់ទេ !