តើពាក្យ «វ៉ែនតា» មានន័យដូចម្ដេច ?

វ៉ែនតា

👉ថ្នាក់ពាក្យជា នាមសព្ទ
មានន័យថា ( ស. វេ់ន អ. ថ. វ៉ែន់ ” រង្វង់មូល; ប្រដាប់សម្រាប់ឆ្លុះស្រមោល; ពពិល; . . . ” + តា “ភ្នែក” > វេ់នតា ) កែវស្នងភ្នែក គឺកែវសម្រាប់ពាក់ជាជំនួយភ្នែក ដែលស្រវាំងឲ្យភ្លឺច្បាស់ឬជាជំនួយឲ្យស្រួលភ្នែក : ភ្នែកស៊ីវ៉ែនតា ភ្នែកដែលទទួលពន្លឺវ៉ែនតា។ រ. ស. ហៅ ស្នងព្រះនេត្រ ។ វ៉ែនតាស្រទំ វ៉ែនតាព័ណ៌មានពន្លឺស្រទំសម្រាប់ពាក់ឲ្យត្រជាក់ភ្នែក ។ ខ្មែរបុរាណហៅ ស្នងភ្នែក; សម្រាប់ភិក្ខុសង្ឃហៅ ស្នងនេត្រា; រ. ស. ហៅ ស្នងព្រះនេត្រ ( គួរធ្វើទម្លាប់ហៅតាមនេះ ឲ្យត្រូវនឹងខ្មែរក្នុងបុរាណសម័យវិញ ហៅយូរៗទៅគង់នឹងថ្នឹកមាត់ពុំខាន; ហៅជាបាលីថា ចក្ខុបត្ថម្ភក ( ច័ក-ខុ-ប៉ាត់-ថ័ម-ភក់ ) “កែវជាជំនួយភ្នែក” ) ។

👉ថ្នាក់ពាក្យជា រាជសព្ទ
មានន័យថា ស្នងព្រះនេត្រ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត