តើពាក្យ «វ័ណ្ដ» មានន័យដូចម្ដេច ?

វ័ណ្ដ

👉ថ្នាក់ពាក្យជា កិរិយាសព្ទ
មានន័យថា ( សំ. វណ្ដ; បា. វណ្ដ, វណ្ឌ “ចងព័ទ្ធ; បែង; ចែក. . .” ) ចងព័ទ្ធ, រុំព័ទ្ធ, ព័ទ្ធព័ន្ធ, ព័ទ្ធជុំវិញ; ស្លៀកឬដណ្ដប់ព័ទ្ធប៉ឹង ( ច្រើនសរសេរ វ័ណ្ឌ ជាង )។
ឧទាហរណ៍៖ វ័ណ្ឌសំពត់ដូចព្នង ។ វ័ណ្ឌក ព័ទ្ធព័ន្ធក : ពស់វ័ណ្ឌក ។ វ័ណ្ឌកន្ទប ស្លៀកកន្ទបប្រផុតប្រផើយ ។ វ័ណ្ឌប៉ឹង ប៉ឹងព័ទ្ធបិទបាំងកេរ្តិ៍ខ្មាស ។ វ័ណ្ឌពុង វ័ណ្ឌសំពត់បិទបាំងពោះ ( ម. ព. ពុង ផង ) ។ វ័ណ្ឌលោន ( ស. លោន អ.ថ. ល៉ូន “ត្រងិល; ត្រងោល “) ស្លៀកបិទបាំងជិតតែពីខាងមុខ ។ ល ។ ( សរសេរជា វណ្ដ ឬ វណ្ឌ ក៏បាន, តាមទម្លាប់ប្រើ; សរសេរក្លាយជា វាន់ ក៏មាន ប៉ុន្តែបើពេញចិត្ត គួរឈប់សរសេរ វាន់ ព្រោះឃ្លាតឆ្ងាយពីប្រភពនៃពាក្យ ) ។

👉ថ្នាក់ពាក្យជា នាមសព្ទ
មានន័យថា ( សំ. វណ្ដ; បា. វណ្ដ, វណ្ឌ ) ភាគ, ចំណែក; ការចងព័ទ្ធ; ទង; កួរ ។ កណ្ដាប់ព័ទ្ធជុំវិញ (ច្រើនសរសេរ វ័ណ្ឌ ជាង)។
ឧទាហរណ៍៖ វ័ណ្ឌថាំង, វ័ណ្ឌធុង, ដែកវ័ណ្ឌផាឌិប ( សរសេរជា វណ្ដ ឬ វ័ណ្ឌ ក៏បាន ) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត