លោកមហាសេដ្ឋី Axel Oberwelland ជាម្ចាស់ក្រុមហ៊ុន August Storck KG ដែលជាក្រុមហ៊ុនផលិតស្ករគ្រាប់អាឡឺម៉ង់

លោក Axel Oberwelland គឺជាម្ចាស់ក្រុមហ៊ុន August Storck KG ដែលជាក្រុមហ៊ុនផលិតស្ករគ្រាប់អាឡឺម៉ង់​ ។ ក្រុមហ៊ុន August មានបុគ្គលិកជាង ៥.០០០ នាក់ហើយផលិតផលរបស់ក្រុមហ៊ុនត្រូវបានលក់ទៅឲ្យជាង ១០០ ប្រទេស ។ ក្នុងរយៈពេលពីរបីឆ្នាំក្រុមហ៊ុនមួយនេះបានក្លាយជាក្រុមហ៊ុនផលិតស្ករគ្រាប់មួយដែលលក់ដាច់បំផុតនៅសហរដ្ឋអាមេរិក ។

ទ្រព្យសម្បត្តិ៖ Axel Oberwelland

លោក Axel Oberwelland គឺជាពាណិជ្ជករជនជាតិអាឡឺម៉ង់ដែលមានទ្រព្យសម្បត្តិសរុបប្រមាណ ៣,៤ ពាន់លានដុល្លារគិតត្រឹមខែ ឧសភា ឆ្នាំ ២០១៥ ។ គាត់ត្រូវបានជាប់ចំណាត់ថ្នាក់ទី ៣៧៦ នៅក្នុងបញ្ជីឈ្មោះមហាសេដ្ឋីពិភពលោក ។ គាត់គឺជាអ្នកគ្រប់គ្រងក្រុមហ៊ុនផលិតស្ករគ្រាប់ Storck GmbH ដែលជាអ្នកទទួលមរតកបន្ទាប់ឪពុករបស់គាត់បានទទួលមរណភាពក្នុងឆ្នាំ ២០០៥ ។

លោក Oberwelland ត្រូវបានគេចាត់ទុកថាជាជំនាន់ទីបួននៃគ្រួសារដែលបើកអាជីវកម្មផលិតស្ករគ្រាប់ ។ ទ្រព្យសម្បត្តិសុទ្ធរបស់គាត់បានកើនឡើង ១,១ ពាន់លានដុល្លារចាប់តាំងពីឆ្នាំមុនដោយសារតែការកើនឡើងជាទូទៅនៃតម្លៃទីផ្សារនៃឧស្សាហកម្មស្ករគ្រាប់ ។

ប្រភព៖ Phnom Penh HR