លោក Wong Luen Hei គឺជាប្រធានក្រុមហ៊ុន China Lesso ។
ទ្រព្យសម្បត្តិ៖ Wong Luen Hei
លោក Wong Luen Hei គឺជាពាណិជ្ជករចិនម្នាក់ដែលមានទ្រព្យសម្បត្តិសុទ្ធ ចំនួន ១,៤ ពាន់លានដុល្លារ ។ គាត់គឺជាអ្នកដឹកនាំក្រុមហ៊ុន China Lesso Group ដែលជាក្រុមហ៊ុនផ្គត់ផ្គង់គ្រឿងសំភារៈបរិក្ខាសាងសង់អាគារ និងគេហដ្ឋានដែលត្រូវបានគេស្គាល់ថាជាក្រុមហ៊ុន China Liansu Group ដែលបានទទួលអត្ថប្រយោជន៍ពីតំរូវការកំនើនដែលទាក់ទងទៅនឹងនគរូបនីយកម្ម និងការរីកចំរើនផ្នែកសំណង់នៅប្រទេសចិន ។
ផលិតផលរបស់ក្រុមហ៊ុនរួមមាន បំពង់ ទ្វារ និងបង្អួច ចាន គ្រឿងតុបតែង និងឧបករណ៍ពន្លត់អគ្គីភ័យ ។ លោក Wong Luen Hei គឺជាស្ថាបនិករបស់ក្រុមហ៊ុន China Liansu Group Holdings Limited ។ ហើយគាត់មានបទពិសោធ ១៣ ឆ្នាំក្នុងប្រតិបត្តិការ និងគ្រប់គ្រងក្រុមហ៊ុន ។ គាត់ក៏មានតួនាទីជាប្រធានក្រុមហ៊ុន China Liansu Group Holdings លីមីតធីត និងបម្រើការជានាយកប្រតិបត្តិចាប់តាំងពីថ្ងៃទី ៥ ខែ វិច្ឆិកា ឆ្នាំ ២០០៩ ដែលទទួលខុសត្រូវលើផែនការយុទ្ធសាស្ត្រ និងការគ្រប់គ្រងអាជីវកម្មទាំងមូលផងដែរ ។
គាត់បានបម្រើការជាប្រធានក្រុមហ៊ុន Shunde Liansu Industrial តាំងពីខែ ធ្នូ ឆ្នាំ ១៩៩៦ ដល់ខែ មេសា ឆ្នាំ ១៩៩៩ និងត្រូវបានទទួលរង្វាន់ជាសហគ្រិនឆ្នើមរបស់ Shunde ក្នុងឆ្នាំ ២០០៣ ។ ហើយគាត់ក៏បានចូលរួមសន្និសីទពិគ្រោះយោបល់ផ្នែកនយោបាយចាប់តាំងពីឆ្នាំ ២០០៣ និងជាអនុប្រធានសភាពាណិជ្ជកម្មFoshan Shunde Longjiang ចាប់តាំងពីឆ្នាំ ២០០៦ ។
👇 ស្វែងរកឯកសាររៀននិងការងារគ្រប់ប្រភេទនៅទីនេះ៖
👇 ស្វែងរកពាក្យផ្សេងទៀតនៅប្រអប់នេះ៖