លោកមហាសេដ្ឋី Zhao Weiguo ជាប្រធានក្រុមហ៊ុន Tsinghua Unigroup

លោក Zhao Weiguo គឺជាប្រធានក្រុមហ៊ុន Tsinghua Unigroup ។

លោក Zhao បានចូលរួមជាមួយក្រុមហ៊ុន Tsinghua Unigroup ក្នុងឆ្នាំ ១៩៩៦ ដោយបានកាន់តំណែងជាអគ្គនាយករងនៃនាយកដ្ឋានវិស្វកម្មស្វ័យប្រវត្តិកម្ម ។ នៅឆ្នាំបន្ទាប់គាត់បានកាន់តំណែងជាប្រធានគ្រប់គ្រងទូទៅនៅក្នុងក្រុមហ៊ុន Tongfang Electronic Science & Technology Co Ltd ។

នៅឆ្នាំ ២០០៤ លោក Zhao បានបង្កើតក្រុមហ៊ុន Jiankun Group ដែលជាក្រុមហ៊ុនវិនិយោគលើវិស័យដូចជាផ្នែកព័ត៍មានរិទ្យា និងអចលនទ្រព្យ ។ ហើយបន្ទាប់មកក្រុមហ៊ុននេះបានក្លាយជាម្ចាស់ភាគហ៊ុនរបស់ក្រុមហ៊ុន Tsinghua Unigroup ដែលមានភាគហ៊ុនចំនួន ៤៩ ភាគរយក្នុងឆ្នាំ ២០០៩ ។ ហើយគាត់ក៏ធ្លាប់បានបម្រើការជាប្រធានក្រុមហ៊ុន Tsinghua Unigroup ផងដែរ ។

ក្រុមហ៊ុន Tsinghua Unigroup បានក្លាយជាក្រុមហ៊ុនវិទ្យាសាស្ត្រ និងបច្ចេកវិទ្យាកំពូលរបស់ប្រទេសចិន ។ លោក Zhao ត្រូវបានគេស្គាល់ថាជាសកម្មជនសង្គម និងជាសប្បុរសជនម្នាក់ដែលបានបរិច្ចាគថវិកាចំនួនជាង ១០០ លានដុល្លារអាមេរិកដល់វិស័យអប់រំរបស់ប្រទេសចិនរហូតមកដល់បច្ចុប្បន្ននេះ ។

ប្រភព៖ Phnom Penh HR