លោកមហាសេដ្ឋី Gustaf Douglas ជានាយកប្រតិបត្តិរបស់ក្រុមហ៊ុន Dagens Nyheter និងក្រុមហ៊ុន Expressen

លោក Gustaf​ Archibald Siegwart Douglas កើតនៅថ្ងៃទី ០៣ ខែ មីនា ឆ្នាំ ១៩៣៨ គាត់គឺជាអ្នកជំនួញ និងជាអ្នកនយោបាយ ។ គាត់ក៏ជាសមាជិករាជបណ្ឌិតសភាវិទ្យាសាស្ត្រវិស្វកម្មតាំងពីឆ្នាំ ២០០៧ ។

អាជីព៖

លោក Gustaf បានបញ្ចប់ការសិក្សាថ្នាក់អនុបណ្ឌិតពីសាលាពាណិជ្ជកម្មហាវ៉ាដក្នុងឆ្នាំ ១៩៦៤ ។ គាត់គឺជានាយកប្រតិបត្តិរបស់ក្រុមហ៊ុន Dagens Nyheter និងក្រុមហ៊ុន Expressen ដែលបានបម្រើការនៅចន្លោះឆ្នាំ ១៩៧៣ រហូតដល់ឆ្នាំ ១៩៨០ ។ ហើយក្រោយមកគាត់បានចាប់ផ្តើមបង្កើតក្រុមហ៊ុនផ្ទាល់ខ្លួនមួយដែលមានឈ្មោះថា Investment AB Latour ដែលបានបង្កើតទ្បើងក្នុងឆ្នាំ ១៩៨៤ ។ ហើយឥឡូវនេះគាត់បានគ្រប់គ្រងក្រុមហ៊ុន Securitas AB ដែលជាក្រុមហ៊ុនសន្តិសុខសុវត្ថិភាពឈានមុខគេនៅលើពិភពលោក និងក្រុមហ៊ុន Assa Abloy និងក្រុមហ៊ុនជាច្រើនទៀតផងដែរ ។

ហើយគាត់បានបង្កើតភាពជាដៃគូជាមួយលោក Melker Schörling ដែលជាអ្នកគ្រប់គ្រងភាគហ៊ុន Securitas និងជាប្រធានក្រុមហ៊ុន ។ គាត់គឺជាអ្នកមានជាងគេបំផុតនៅលំដាប់ទី ១១ នៅក្នុងប្រទេសស៊ុយអែត ។ នេះបើយោងតាមរយះទស្សនាវដ្តី Forbes បានឲ្យដឹងថាលោក Gustaf មានទ្រព្យសម្បត្តិសរុបប្រមាណ ៣,២ ពាន់លានដុល្លារគិតត្រឹមខែ មីនា ឆ្នាំ ២០១៣ ។

នៅឆ្នាំ ២០០១ លោក Gustaf ត្រូវបានគេបោះឆ្នោតជ្រើសរើសឲ្យធ្វើជាក្រុមប្រឹក្សានៃគណបក្សមធ្យម ។ ហើយគាត់ក៏ធ្លាប់មានប្រវត្តិចូលរួមនៅក្នុងផ្នែកគោលនយោបាយជាយូរណាស់មកហើយដោយបានធ្វើយុទ្ធនាការក្នុងពេលវ័យជំទង់របស់គាត់ ។ គាត់ក៏ជាមនុស្សម្នាក់ដែលសកម្មនៅក្នុងផ្នែកគោលនយោបាយរបស់គណបក្សប្រជាជនសេរីផងដែរ ។ ហើយឥឡូវនេះគាត់ត្រូវបានគេស្គាល់ថាជាអ្នកអភិរក្សនិយមដែលមានចំណាប់អារម្មណ៍យ៉ាងខ្លាំងទៅលើផ្នែកគោលនយោបាយអប់រំមួយរូបផងដែរ ។

ទ្រព្យសម្បត្តិ៖ Gustaf Douglas

លោក Gustaf Douglas គឺជាអ្នកជំនួញ និងជាអ្នកនយោបាយស៊ុយអ៊ែតដែលមានទ្រព្យសម្បត្តិសុទ្ធចំនួន ៤ ពាន់លានដុល្លារ ។ គាត់បានទទួលសញ្ញាប័ត្រអនុបណ្ឌិតផ្នែករដ្ឋបាលធុរកិច្ចពីសាលាពាណិជ្ជកម្មហាវ៉ាដក្នុងឆ្នាំ ១៩៦៤ ។ គាត់បានចាប់ផ្តើមអាជីពរបស់គាត់ជាអ្នកពិគ្រោះយោបល់នៅ Bohlin & Stromberg ចាប់ពីឆ្នាំ ១៩៦៤ រហូតដល់ ១៩៦៨ ។

ហើយគាត់ក៏ធ្លាប់ជានាយកប្រតិបត្តិរបស់ក្រុមហ៊ុន Bohlin & Stromberg ចាប់ពីឆ្នាំ ១៩៧១ រហូតដល់ឆ្នាំ ១៩៧២ និងជាម្ចាស់ភាគហ៊ុននៅចន្លោះឆ្នាំ ១៩៧១ និង ១៩៧៣ ។ ហើយបួនឆ្នាំក្រោយមកគាត់បានបង្កើតក្រុមហ៊ុនវិនិយោគផ្ទាល់ខ្លួនមួយដែលមានឈ្មោះថា AB Latour ។ ឥឡូវនេះគាត់ចាប់អារម្មណ៍យ៉ាងខ្លាំងលើគោលនយោបាយអប់រំ និងជាសមាជិកនៃបណ្ឌិតសភាវិទ្យាសាស្ត្រវិស្វកម្ម ។

ប្រភព៖ Phnom Penh HR