លោក​មហាសេដ្ឋី Bidzina Ivanishvili ជាអតីតនាយករដ្ឋមន្រ្តីរបស់ប្រទេសហ្សកហ្ស៊ី

លោក Bidzina Ivanishvili កើតនៅថ្ងៃទី ១៨ ខែ កុម្ភះ ឆ្នាំ ១៩៥៦ ដែលជាអ្នកជំនួញ និងជាអ្នកនយោបាយរបស់ប្រទេសហ្សកហ្ស៊ី ។ នៅថ្ងៃទី ២៥ ខែ តុលា ឆ្នាំ ២០១២ រហូតដល់ថ្ងៃទី ២០ ខែ វិច្ឆិកា ឆ្នាំ ២០១៣ លោក Bidzina បានបម្រើការជានាយករដ្ឋមន្រ្តីរបស់ប្រទេសហ្សកហ្ស៊ី ។ បន្ទាប់ពីការបោះឆ្នោតប្រធានាធិបតីឆ្នាំ ២០១៣ លោក Bidzina បានលាលែងពីតំណែងពីជួររដ្ឋាភិបាល និងគណបក្សដោយស្ម័គ្រចិត្តដាក់ឈ្មោះសហការីរយៈរបស់គាត់គឺលោក Irakli Gharibashvili ជាអ្នកស្នងតំណែងរបស់គាត់ ។

នៅខែ មីនា ឆ្នាំ ២០១០ លោក Bidzina Ivanishvili ទទួលបានសញ្ជាតិបារាំង ។ នៅខែ តុលា ឆ្នាំ ២០១១ គាត់ត្រូវបានដកហូតសញ្ជាតិហ្សកហ្ស៊ី​ “យោងតាមមាត្រា ៣២ នៃច្បាប់ហ្សកហ្ស៊ីស្តីពីសញ្ជាតិ” ភ្លាមៗបន្ទាប់ពីគាត់បានប្រកាសពីចេតនាបង្កើតគណបក្សនយោបាយមួយដើម្បីប្រកួតប្រជែងជាមួយប្រធានាធិបតីហ្សកហ្ស៊ីគឺលោក Mikheil Saakashvili ។

កាលពីខែ មីនា ឆ្នាំ ២០១២ លោក Bidzina Ivanishvili ត្រូវបានជាប់ចំណាត់ថ្នាក់លេខ ១៥៣ នៅក្នុងបញ្ជីឈ្មោះប្រចាំឆ្នាំរបស់មហាសេដ្ឋីពិភពលោករបស់ទស្សនាវដ្តី Forbes ជាមួយនឹងទឹកប្រាក់ប្រមាណ ៦.៤ ពាន់លានដុល្លារដែលធ្វើឱ្យគាត់បានក្លាយជាមហាសេដ្ឋីរបស់ប្រទេសហ្សកហ្ស៊ី ។

ប្រភព៖ Phnom Penh HR