លោកមហាសេដ្ឋី Arkady Volozh ជាស្ថាបនិក និងជាប្រធានក្រុមហ៊ុន Yandex

លោក Arkady Volozh កើតថ្ងៃទី ១១ ខែ កុម្ភះ ឆ្នាំ ១៩៦៤ គាត់គឺជាស្ថាបនិក និងជាប្រធានក្រុមហ៊ុន Yandex ។ ក្រុមហ៊ុននេះត្រូវបានបង្កើតទ្បើងក្នុងឆ្នាំ ១៩៩៧ ។ នៅឆ្នាំ ២០០០  លោក Arkady ធ្លាប់បានបម្រើការជានាយកប្រតិបត្តិរបស់ក្រុមហ៊ុន CompTek International  ។

អាជីព៖ 

លោក Arkady បានសិក្សាមុខវិជ្ជាគណិតវិទ្យានៅសកលវិទ្យាល័យនៅរដ្ឋ Gubkin ប្រទេសរុស្ស៊ី ។ បន្ទាប់ពីគាត់បានបញ្ចប់ការសិក្សានៅឆ្នាំ ១៩៨​៦ គាត់បានចាប់ផ្តើមធ្វើការនៅឯវិទ្យាស្ថានស្រាវជ្រាវបំពង់បង្ហូរប្រេង ។ ហើយបន្ទាប់មកគាត់បានចាប់ផ្តើមអាជីវកម្មខ្នាតតូចមួយដែលជាអ្នកនាំចូលកុំព្យូទ័រពីប្រទេសអូទ្រីស ។ គាត់បានបន្តសហស្ថាបនិកសហគ្រាសព័ត៌មានវិទ្យាជាច្រើនក្រៅពីក្រុមហ៊ុន Yandex រួមទាំងក្រុមហ៊ុនផ្គត់ផ្គង់បណ្តាញបច្ចេកវិទ្យាអ៊ីនធឺណេតឥតខ្សែ InfiNet Wireless និងក្រុមហ៊ុន CompTek International ដែលជាក្រុមហ៊ុនចែកចាយបណ្តាញ និងឧបករណ៍ទូរគមនាគមន៍ដ៏ធំជាងគេមួយនៅប្រទេសរុស្ស៊ីផងដែរ ។

ក្រុមហ៊ុនរបស់លោក Volozh បានសហការបង្កើតក្រុមហ៊ុន CompTek ក្នុងឆ្នាំ ១៩៨៩ ។ នៅឆ្នាំ ១៩៩៣ លោក Arkady Volozh និង Ilya Segalovich បានរួមគ្នាសហបង្កើតម៉ាស៊ីនស្វែងរកសម្រាប់ព័ត៌មានដែលមិនមានរចនាសម្ព័ន្ធជាមួយរូបវិទ្យារបស់ប្រទេសរុស្ស៊ី ។ គិតត្រឹមឆ្នាំ ២០១៣  លោក Arkady មានទ្រព្យសម្បត្តិសុទ្ធប្រមាណ ១.១៥ ពាន់លានដុល្លារអាមេរិក​ ។

ប្រភព៖ Phnom Penh HR