លោកមហាសេដ្ឋី Hasso Plattner ជាអតីតនាយកប្រតិបត្តិនៃក្រុមហ៊ុន software SAP AG

លោក​ Hasso Plattner កើតនៅថ្ងៃទី ២១ ខែ មករា ឆ្នាំ ១៩៤៤ ដែលជាអ្នកជំនួញជនជាតិអាឡឺម៉ង់ ។ គាត់គឺជាសហស្ថាបនិកនៃក្រុមហ៊ុន software SAP SE និងជាប្រធានក្រុមប្រឹក្សាភិបាល SAP SE ចាប់តាំងពីខែ ឧសភា ឆ្នាំ ២០០៣ ។

គិតត្រឹមខែ វិច្ឆិកា ឆ្នាំ ២០១៦ យោងតាមរយះទស្សនាវដ្តី Forbes បានរាយការណ៍ថាលោក Plattner មានទ្រព្យសម្បត្តិសុទ្ធប្រមាណ ១០,៨ ​​ពាន់លានដុល្លារ ។ អ្នកដឹកនាំរបស់ប្រទេសអាឡឺម៉ង់បានផ្តល់រង្វាន់ភាពជាអ្នកដឹកនាំសម្រាប់ការធ្វើសមាហរណកម្មជាសកលសម្រាប់ “បច្ចេកវិទ្យា” និងបានផ្តល់កិត្តិយសដល់លោក Plattner ដែលជាអ្នកលើកកម្ពស់ក្នុងការអភិវឌ្ឍសេដ្ឋកិច្ច និងសង្គមជាតិនៅក្នុងប្រទេសអាល្លឺម៉ង់ ។ នៅឆ្នាំ ២០០១ យោងតាមរយះទស្សនាវដ្តី Time របស់អ៊ឺរ៉ុបបានចាត់ចំណាត់ថ្នាក់លោក Plattner នៅលំដាប់ថ្នាក់លេខ ១ នៅក្នុងបញ្ជីបុគ្គលិកលក្ខណៈ និងមានឥទ្ធិពលបំផុតនៅប្រទេសអាល្លឺម៉ង់ ។

នៅថ្ងៃទី ២១ ខែ មករា ឆ្នាំ ២០០៤ លោក Plattner បានចូលរួមអបអរសាទរខួបកំណើតគម្រប់ ៦០ ឆ្នាំរបស់លោក Gerhard Schröder ដែលជាអធិការបតីអាល្លឺម៉ង់បានធ្វើអត្ថាធិប្បាយអំពីសមិទ្ធិផលរបស់លោក Plattner ។ លោក Plattner បានបង្កើតក្រុមហ៊ុនសាជីវកម្មអន្តរជាតិដែលបានលើទ្បើងថាក្រុមហ៊ុនអាឡឺម៉ង់អាចឈរនៅលំដាប់កំពូលនៃឋានានុក្រមបច្ចេកវិទ្យានៅទូទាំងពិភពលោក ។

នៅក្នុងបទសម្ភាសន៍មួយក្នុងខែ សីហា ឆ្នាំ ២០០៤ អ្នកពិគ្រោះយោបល់ផ្នែកគ្រប់គ្រងគឺលោក Roland Berger បានលើកទ្បើងពីលោក Hasso Plattner ជាមនុស្សម្នាក់ក្នុងចំណោមជនជាតិអាឡឺម៉ង់ទាំង ៥ នាក់ដែលមានភាពលិចធ្លោ និងការចាប់អារម្មណ៍យ៉ាងខ្លាំងបំផុតនៅក្នុងប្រទេសអាឡឺម៉ង់ ។ នៅក្នុងអត្ថបទ Welt am Sonntag Berger បានចង្អុលបង្ហាញពីរបៀបដែលលោក Plattner បានបង្កើតក្រុមហ៊ុន SAP ទៅនឹងការផ្លាស់ប្តូរទីផ្សារដែលជាសមិទ្ធិផលដ៏ល្អប្រសើរបំផុតរបស់ប្រទេសអាឡឺម៉ង់ ។ នៅឆ្នាំ ២០១៦ លោក Plattner មានទ្រព្យសម្បត្តិប្រមាណ ១០,៨ ​​ពាន់លានដុល្លារអាមេរិក ។

ទ្រព្យសម្បត្តិ៖ Hasso Plattner​

លោក Hasso Plattner គឺជាអ្នកជំនួញជនជាតិអាល្លឺម៉ង់ដែលមានទ្រព្យសម្បត្តិសរុបប្រមាណ ១៣,៩ ពាន់លានដុល្លារគិតត្រឹមនៅខែ មករា ឆ្នាំ ២០១៨ ។ គាត់គឺជាអតីតនាយកប្រតិបត្តិនៃក្រុមហ៊ុន software SAP AG ដែលបានសហការជាមួយអតីតនិស្សិតនៅមហាវិទ្យាល័យ IBM ចំនួន ៤ នាក់ក្នុងឆ្នាំ ១៩៧២ ។

លោក Plattner ក៏ធ្លាប់បានបម្រើការជាប្រធានក្រុមប្រឹក្សាភិបាលនៃក្រុមហ៊ុន SAP AG ចាប់តាំងពីខែ ឧសភា ឆ្នាំ ២០០៣ ។ នៅឆ្នាំ ១៩៩៨ គាត់បានបង្កើតវិទ្យាស្ថាន Hasso Plattner សម្រាប់វិស្វកម្មប្រព័ន្ធព័ត៌មានវិទ្យានៅសាកលវិទ្យាល័យ Potsdam ជាកន្លែងដែលគាត់បានបម្រើការងារជាសាស្រ្តាចារ្យនៃប្រព័ន្ធសូហ្វវែរ ។

នៅឆ្នាំ ២០០៨ លោក Plattner បានបង្កើតក្រុមហ៊ុនវិនិយោគនៅក្នុងក្រុមហ៊ុនបច្ចេកវិទ្យា Hasso Plattner Ventures Africa ដោយទទួលបានជោគជ័យនឹងបានចាប់ផ្តើមប្រតិបត្តិការរបស់ខ្លួននៅក្នុងទីក្រុង Cape Town ប្រទេសអាហ្រ្វិកខាងត្បូង ។ ទ្រព្យសម្បត្តិរបស់លោក Plattner បានកើនឡើងដល់់ ១,៧ ពាន់លានដុល្លារចាប់តាំងពីខែ មីនា ឆ្នាំ ២០១២ ដោយសារតែការកើនឡើងនៃតម្លៃភាគហ៊ុនរបស់ក្រុមហ៊ុន software SAP AG ។

ប្រភព៖ Phnom Penh HR