លោកមហាសេដ្ឋី Andrej Babiš ជាអ្នកនយោបាយ និងជាសហគ្រិន និងជាអ្នកជំនួញជនជាតិឆែកស្លូវ៉ាគី

លោក Andrej Babiš កើតនៅថ្ងៃទី ០២ ខែ កញ្ញា ឆ្នាំ ១៩៥៤ គាត់គឺជាអ្នកនយោបាយ និងជាសហគ្រិន និងជាអ្នកជំនួញជនជាតិឆែកស្លូវ៉ាគី ។ ចាប់តាំងពីថ្ងៃទី ២៩ ខែ មករា ឆ្នាំ ២០១៤ គាត់បានក្លាយជារដ្ឋមន្រ្តីហិរញ្ញវត្ថុនៃសាធារណរដ្ឋឆែកដែលជាឧបនាយករដ្ឋមន្ត្រីទទួលបន្ទុកផ្នែកសេដ្ឋកិច្ច ។

ហើយចាប់តាំងពីថ្ងៃទី ១១ ខែ ឧសភា ឆ្នាំ ២០១២ លោក Andrej Babiš បានក្លាយជាមេដឹកនាំគណបក្សនយោបាយ ANO ឆ្នាំ ២០១១ ។ លោក Andrej Babiš មានទ្រព្យសម្បត្តិប្រហែល ២,៦ ពាន់លានដុល្លារនេះបើយោងតាមរយះទស្សនាវដ្តី Forbes ។ ហើយគាត់ត្រូវបានគេចាត់ទុកថាជាអ្នកនយោបាយដ៏មានប្រជាប្រិយបំផុតម្នាក់នៅក្នុងសាធារណរដ្ឋឆែក ។

ជីវិតដំបូង និងអាជីព៖

លោក Andrej Babiš កើតនៅថ្ងៃទី ០២ ខែ កញ្ញា ឆ្នាំ ១៩៥៤ នៅទីក្រុង  Bratislava ប្រទេសឆេកូស្លូវ៉ាគី ។ ឪពុករបស់គាត់ដែលជាអ្នកការទូត និងជាសមាជិកនៃបក្សកុម្មុយនីស្តឆេកូស្លូវ៉ាគីដែលបានតំណាងឱ្យប្រទេសឆេកូស្លូវ៉ាគីក្នុងអំឡុងពេលនៃការចរចារជាមួយ GATT នៅទីក្រុងហ្សឺណែវ និងជាអ្នកពិគ្រោះយោបល់នៅអង្គការសហប្រជាជាតិ ។

លោក Andrej Babiš បានចំណាយពេលមួយផ្នែកនៃកុមារភាពរបស់គាត់នៅក្រៅប្រទេស ។ ហើយក្រោយមកគាត់បានសិក្សានៅសាលាមួយនៅក្នុងទីក្រុង Bratislava និងបានបន្តនៅសាកលវិទ្យាល័យសេដ្ឋកិច្ចជាកន្លែងដែលបានគាត់សិក្សាផ្នែកពាណិជ្ជកម្មអន្តរជាតិ ។ លោក Andrej Babiš បានធ្វើការជានិយោជិកនៅក្នុងក្រុមហ៊ុនពាណិជ្ជកម្មអន្តរជាតិកុម្មុយនីស្តស្លូវ៉ាគី Petrimex នៅប្រទេសម៉ារ៉ុក ។

លោក Andrej Babiš ត្រូវបានគេចោទប្រកាន់ថាគាត់គឺជាទីភ្នាក់ងារដ៏មានឥទ្ធិពលសម្រាប់សេវាកម្មសន្តិសុខរដ្ឋសម្ងាត់របស់ប្រទេសឆេកូស្លូវ៉ាគីក្នុងកំឡុងសម័យកុម្មុយនិស្តហើយគាត់ក៏ត្រូវបានគេចោទប្រកាន់ថាជាមន្រ្តី KGB ក្នុងឆ្នាំទាំងនោះដែរ ។ លោក Andrej Babiš បានក្លាយជានាយកគ្រប់គ្រងរបស់ក្រុមហ៊ុន Agrofert ក្នុងឆ្នាំ ១៩៩៣ ហើយក្រោយមកបានអភិវឌ្ឍវាទៅជាក្រុមហ៊ុនដ៏ធំបំផុតមួយនៅក្នុងប្រទេសឆេកូស្លូវ៉ាគី ។

ក្រុមហ៊ុន Agrofert ធ្លាប់ជាសម្ព័ន្ធជាមួយនឹងក្រុមហ៊ុន Petrimex ខណៈពេលដែលលោក Andrej Babiš ស្ថិតនៅក្នុងក្រុមប្រឹក្សាភិបាល ។ ក្រុមហ៊ុន Petrimex បានបណ្តេញលោក Andrej Babiš និងប្តឹងគាត់ដោយមិនបានទទួលជោគជ័យចំពោះការអនុញ្ញាតឱ្យភាគហ៊ុនរបស់ក្រុមហ៊ុន Agrofert ត្រូវរលាយ ។

លោក Andrej Babiš បានផ្តោតសកម្មភាពអាជីវកម្មរបស់គាត់ជាចម្បងលើវិស័យកសិកម្មប៉ុន្តែក្នុងរយៈពេលប៉ុន្មានឆ្នាំចុងក្រោយនេះគាត់ទទួលបានអាណាចក្រធំមួយនៃក្រុមហ៊ុនប្រព័ន្ធផ្សព្វផ្សាយ ។ បញ្ហានេះបានធ្វើឱ្យគាត់មានការរិះគន់ពីគណបក្សនានាដែលជឿជាក់ថាគាត់កំពុងប្រមូលផ្ដុំអំណាចខ្លាំងពេកចាប់តាំងពីប្រព័ន្ធផ្សព្វផ្សាយដែលគាត់គ្រប់គ្រងចុះផ្សាយពីការផ្សព្វផ្សាយរបស់គាត់ ។

ប្រភព៖ Phnom Penh HR