លោកស្រីមហាសេដ្ឋី Iris Fontbona ជាអ្នកគ្រប់គ្រងក្រុមហ៊ុន Antofagasta PLC ដែលជាក្រុមហ៊ុនរុករករ៉ែទង់ដែងដ៏ធំបំផុតមួយនៅលើពិភពលោក

លោកស្រី Iris Balbina Fontbona González កើតនៅឆ្នាំ ១៩៤២ ដែលជាអ្នកជំនួញជនជាតិឈីលី ។ លោកស្រី Iris គឺជាប្រពន្ធរបស់លោក Andrónico Luksic Abaroa ដែលជាស្ត្រីមេម៉ាយដោយទទួលបានមរតកពីប្តីរបស់គាត់ និងជាអ្នកគ្រប់គ្រងក្រុមហ៊ុន Antofagasta PLC ។ លោកស្រី Iris គឺជាអ្នកមានបំផុតនៅប្រទេសឈីលីដែលជាអ្នកមានម្នាក់ក្នុងចំណោមអ្នកមានបំផុតនៅលំដាប់ទី ៥ នៅអាមេរិកឡាទីន និងជាអ្នកមានបំផុតទី ១០១ នៅលើពិភពលោក ។

លោកស្រី Iris Fontbona គឺជាស្រ្តីម្នាក់ដែលមានជាងគេបំផុតនៅលើពិភពលោកដោយមានឈ្មោះនៅក្នុងបញ្ជីមហាសេដ្ឋីកំពូលទាំង ១០០ របស់ទស្សនាវដ្តី Forbes ក្នុងឆ្នាំ ២០១៦ ។ លោកស្រី Iris គឺជាអ្នកមានបំផុតនៅលំដាប់ទី ៥ នៅអាមេរិកឡាទីនក្នុងឆ្នាំ ២០១៦ គិតត្រឹមខែ មីនា ឆ្នាំ ២០១៧ ដោយមានទ្រព្យសម្បត្តិចំនួន ១២,៩ ពាន់លានដុល្លារ ។ នៅឆ្នាំ ២០១៦ ទ្រព្យសម្បត្តិរបស់គាត់ត្រូវបានប៉ាន់ប្រមាណថាមានចំនួន ៩,៩ ពាន់លានដុល្លារអាមេរិកដែលជាការធ្លាក់ចុះជាងឆ្នាំមុន ។ លោកស្រី Iris បានជាប់ចំណាត់ថ្នាក់ជាស្ត្រីម្នាក់ក្នុងចំណោមស្ត្រីមានជាងគេបំផុតទាំង ១០ នៅលើពិភពលោកនៅក្នុងបញ្ជីរបស់មហាសេដ្ឋីពិភពលោក​ ។

នៅឆ្នាំ ២០១៤ យោងតាមរយះទស្សនាវដ្តី Forbes បានចាត់ទុកលោកស្រី Iris Fontbona និងក្រុមគ្រួសារដែលជាគ្រួសារមានជាងគេនៅលំដាប់ទី ៤ នៅអាមេរិកឡាទីន ។ លោកស្រី Iris គឺជាស្ត្រីតែម្នាក់គត់ដែលបានបង្ហាញខ្លួននៅក្នុងទស្សនាវដ្តី Forbes នៅអាមេរិកឡាទីន ។ អស់រយៈពេលជាច្រើនឆ្នាំមកហើយលោកស្រីគឺជាមហាសេដ្ឋីម្នាក់ក្នុងចំណោមពីរពាន់លាននាក់នៅក្នុងប្រទេសឈីលីមុនពេលត្រូវបានចូលរួមដោយប្រាំបួននាក់ផ្សេងទៀតនៅឆ្នាំ ២០១៦ ហើយនៅក្នុងឆ្នាំ ២០១៥ លោកស្រីត្រូវបានជាប់ចំណាត់ថ្នាក់ទី ៨២ នៅក្នុងទស្សនាវដ្តី Forbes ។

ក្នុងឆ្នាំ ២០១៣ លោកស្រី Iris ត្រូវបានជាប់ចំណាត់ថ្នាក់ជាអ្នកមានជាងគេទី ៣៥ នៅក្នុងបញ្ជីឈ្មោះទស្សនាវដ្តី Bloomberg របស់មហាសេដ្ឋីពិភពលោក ។ លោកស្រី Iris បានទទួលមរតកបន្ទាប់ពីមរណភាពរបស់ស្វាមីរបស់គាត់ឈ្មោះ Andrónico Luksic Abaroa ក្នុងឆ្នាំ ២០០៥ ដោយសារជំងឺមហារីក ។ ភាគច្រើននៃជំនួញរបស់ស្វាមីលោកស្រី Iris បានទៅកូនប្រុសទាំងបីគាត់ Guillermo, Jean Paul និង Andronico ។ លោក Jean Paul បានគ្រប់គ្រងក្រុមហ៊ុន Antofagasta និងក្រុមហ៊ុនរុករករ៉ែស្ពាន់ Luksic Group ដែលជាក្រុមហ៊ុនរុករករ៉ែដ៏ធំជាងគេមួយនៅលើពិភពលោក ។

ទ្រព្យសម្បត្តិ៖ Iris Fontbona 

លោកស្រី Iris Fontbona គឺជាអ្នកជំនួញជនជាតិឈីលីម្នាក់ដែលមានទ្រព្យសម្បត្តិសរុប ១៤ ពាន់លានដុល្លារ ។ លោកស្រី Iris បានរៀបការជាមួយលោក Andronico Luksic ដែលបានសាងសង់ក្រុមហ៊ុនរ៉ែទង់ដែងដ៏ធំបំផុតមួយនៅលើពិភពលោកគឺក្រុមហ៊ុន Antofagasta ។

លោក Luksic ត្រូវបានគេនិយាយថាបានចាប់ផ្តើមបង្កើតក្រុមហ៊ុនរុករករ៉ែទង់ដែងដ៏លេចធ្លោជាងគេមួយនៅលើពិភពលោក ។ ហើយគាត់ក៏បានវិនិយោគនៅក្នុងវិស័យរ៉ែ និងការខិតខំប្រឹងប្រែងផ្នែកហិរញ្ញវត្ថុ ឧស្សាហកម្ម និងភេសជ្ជៈផងដែរ ។ នៅពេលគាត់ទទួលមរណភាពលោក Luksic គឺជាបុរសដែលមានជាងគេបំផុតនៅក្នុងប្រទេសឈីលី និងជាអ្នកមានបំផុតនៅលំដាប់ទី ៤ នៅអាមេរិកឡាទីនព្រមទាំងជាអ្នកមានបំផុតទី ១៣២ នៅលើពិភពលោកផងដែរ ។ អស់រយៈពេល ៩ ឆ្នាំមកហើយដែលលោកស្រី Iris បានជួយគ្រប់គ្រងក្រុមហ៊ុនរួមជាមួយកូនៗ របស់គាត់ ។

ប្រភព៖ Phnom Penh HR