លោកមហាសេដ្ឋី Paolo Barilla ជាអតីតអ្នកបើកឡានប្រណាំង Formula One

លោក Paolo Barilla កើតនៅថ្ងៃទី ២០ ខែ មេសា ឆ្នាំ ១៩៦១ នៅទីក្រុង Milan ប្រទេសអ៊ីតាលី ។ គាត់គឺជាអតីតអ្នកបើកឡានប្រណាំង Formula One ដែលបានប្រណាំងអោយក្រុម Minardi ។ ហើយគិតត្រឹមខែ មករា ឆ្នាំ ២០១៧ លោក Paolo មានទ្រព្យសម្បត្តិសុទ្ធចំនួន ១,៣៩ ពាន់លានដុល្លារ ។

លោក Paolo បានចាប់ផ្តើមបើករថយន្តប្រណាំង Formula One នៅឆ្នាំ ១៩៧៥ និងបានឈ្នះពីការប្រណាំងរថយន្ត 100cc ពីជនជាតិអ៊ីតាលីក្នុងឆ្នាំ ១៩៧៦ ។ នៅឆ្នាំ ១៩៨០ គាត់បានចូលរួមក្នុងការប្រណាំងរថយន្ត Formula Fiat Abarth ហើយបានឡើងទៅដល់វគ្គប្រណាំងរថយន្ត Formula 3 ក្នុងឆ្នាំ ១៩៨១ ជាកន្លែងដែលគាត់បានឈ្នះពីការប្រណាំងរថយន្តមួយចំនួន និងបានបញ្ចប់ក្នុងចំណាត់ថ្នាក់លេខ ៣ ក្នុងជើងឯក Italian ។

ហើយក្រោយមកលោក Paolo បានចូលរួមក្នុងប្រណាំងរថយន្ត Formula 2 ក្នុងឆ្នាំ ១៩៨២ ជាមួយលោក Minardi ប៉ុន្តែនៅចន្លោះឆ្នាំ ១៩៨៣ និង ១៩៨៨ គាត់បានផ្តោតលើការប្រណាំងឡានស្ព័រដោយឈ្នះបាន ២៤ ម៉ោងនៃ Le Mans ដោយការភ្លាត់ ៣ ជុំក្នុងឆ្នាំ ១៩៨៥ ក្នុងចំណោមជ័យជំនះដទៃទៀតនៅក្នុងការប្រណាំង Joest Racing Porsche ៩៥៦ ។

នៅឆ្នាំ ១៩៨៧ លោក Paolo បានចាប់ផ្តើមប្រណាំងម្តងទៀតនៅក្នុងព្រឹត្តិការណ៍ជប៉ុន ៣០០០ សម្រាប់ជើងឯកមុនពេលវិលត្រឡប់ទៅជួបជាមួយនឹងលោក Minardi នៅឆ្នាំ ១៩៨៩ ដើម្បីធ្វើតេស្ត ។ ហើយការធ្វើតេស្តនេះបានផ្តល់ឱ្យគាត់នូវឱកាសដើម្បីជំនួសលោក Pierluigi Martini នៅឯ Suzuka ។

ហើយក្រោយមកលោក Paolo បានចូលនិវត្តន៍ពីការប្រណាំងរថយន្ត Formula One ហើយបានចូលរួមក្នុងក្រុមហ៊ុនអាជីវកម្មគ្រួសាររបស់គាត់ ។ លោក  Paolo និងបងប្អូនប្រុសពីរនាក់របស់គាត់បានកាន់កាប់ភាគហ៊ុនចំនួន ៥១ ភាគរយនៅក្នុងក្រុមហ៊ុន ។ នៅពេលគាត់បានវិលត្រឡប់មកក្រុមហ៊ុនសាជីវកម្មរបស់គាត់វិញគាត់បានបំពេញតួនាទីជានាយកប្រតិបត្តិរយះពេលខ្លីមុនពេលគាត់កាន់តំណែងជាអចិន្រ្តៃយ៍ជាអនុប្រធាន ។

ប្រភព៖ Phnom Penh HR