លោកមហាសេដ្ឋី Rakesh Jhunjhunwala ជាគណនេយ្យករជំនាញ និងជាអ្នកគ្រប់គ្រងផលប័ត្រនៅប្រទេសឥណ្ឌា

លោក​ Rakesh Jhunjhunwala កើតនៅថ្ងៃទី ០៥ ខែ កក្កដា ឆ្នាំ ១៩៦២ ដែលជាអ្នកជំនួញ និងជាវិនិយោគិនជនជាតិឥណ្ឌា ។ គាត់គឺជាគណនេយ្យករជំនាញ និងជាអ្នកគ្រប់គ្រងផលប័ត្រនៅប្រទេសឥណ្ឌា ។ លោក​ Rakesh គឺជាដៃគូរជំនួញនៅក្នុងក្រុមហ៊ុនគ្រប់គ្រងទ្រព្យសម្បត្តិរបស់ Rare Enterprises ។ នេះបើយោងតាមរយះទស្សនាវដ្តី Forbes បានឲ្យដឹងថាគាត់គឺជាអ្នកមានជាងគេបំផុតនៅលំដាប់ទី ៥៣ នៅក្នុងប្រទេសឥណ្ឌា ។

ជីវិតដំបូង៖

លោក​ Rakesh ធំទ្បើងនៅក្នុងទីក្រុង Mumbai ប្រទេសឥណ្ឌា ។ គាត់បានបញ្ចប់ការសិក្សាពីមហាវិទ្យាល័យ Sydenham ហើយបន្ទាប់មកគាត់បានបន្តចូលរៀននៅវិទ្យាស្ថានគណនេយ្យករជំនាញរបស់ប្រទេសឥណ្ឌា ។

អាជីព៖

លោក​ Rakesh Jhunjhunwala គឺជាប្រធានក្រុមហ៊ុន Aptech Limited និងជាម្ចាស់ក្រុមហ៊ុន Hungama Digital Media Entertainment Pvt . Ltd. និងជាសមាជិកម្នាក់នៅក្នុងក្រុមប្រឹក្សាភិបាលនៃក្រុមហ៊ុនផ្សេងៗទៀតជាច្រើនដូចជា៖ Prime Focus Limited, Geojit BNP Paribas Financial Services Limited, Bilcare Limited, Praj Industries Limited, Provogue India Limited, Concord Biotech Limited, Innovasynth Technologies (I) Limited, Mid Day Multimedia Limited, Nagarjuna Construction Company Limited, Viceroy Hotels Limited and Tops Security Limited ។

ភាគហ៊ុនភាគច្រើនរបស់គាត់ត្រូវបានធ្លាក់ចុះរហូតដល់ ៣០ ភាគរយនៅក្នុងខែ ធ្នូ ឆ្នាំ ២០១១ ។ ហើយគាត់បានរកឃើញថាការខាតបង់របស់គាត់នៅខែ កុម្ភៈ ឆ្នាំ ២០១២ ។ ហើយការឡើងចុះនេះត្រូវបានបង្ខំឱ្យគាត់កាត់បន្ថយភាពងាយរងគ្រោះរបស់គាត់ដោយការកាត់បន្ថយផលប័ត្ររបស់គាត់ដល់មួយភាគបី ។

នៅខែ ឧសភា ឆ្នាំ ២០១២ លោក​ Rakesh បានបង្កើនភាគហ៊ុនរបស់ខ្លួននៅក្នុងក្រុមហ៊ុន Aptech ចំនួន ២,២៤% ឥឡូវនេះគាត់បានកាន់កាប់ ១២,៧% ។ ហើយគាត់បានវិនិយោគទឹកប្រាក់ចំនួន ២៦ អឺរ៉ូ (៤,៦ លានដុល្លារ) នៅក្នុងក្រុមហ៊ុន A2Z Maintenance ដើម្បីបង្កើនភាគហ៊ុនរបស់គាត់នៅក្នុងក្រុមហ៊ុនចំនួន ៣.៥៧ ភាគរយដោយយកភាគហ៊ុនរបស់គាត់នៅក្នុងក្រុមហ៊ុនដែលធ្វើឲ្យមានការកើនឡើងដល់ ២៣,២ ភាគរយ ។

ទ្រព្យសម្បត្តិ៖ Rakesh Jhunjhunwala

លោក Rakesh Jhunjhunwala គឺជាអ្នកជំនួញ និងជាវិនិយោគិនជនជាតិឥណ្ឌាដែលមានទ្រព្យសម្បត្តិសុទ្ធចំនួន ១,៥ ពាន់លានដុល្លារ ។ គាត់គឺជាគណនេយ្យករ និងជាវិនិយោគិនជើងចាស់ដែលមានលក្ខណៈសម្បត្តិគ្រប់គ្រាន់ ។ លោក Rakesh ត្រូវបានគេប្រដូចទៅនឹងលោក Warren Buffett ដែលជាអ្នកពូកែជំនួញនៅប្រទេសឥណ្ឌា ។

ប្រភព៖​ Phnom Penh HR