លោកមហាសេដ្ឋី Denis O’Brien ជាស្ថាបនិករបស់ក្រុមហ៊ុន Digicel ដែលជាក្រុមហ៊ុនផ្តល់សេវាកម្មទូរគមនាគមន៍របស់ប្រទេសអៀរឡង់

លោក Denis O’Brien កើតនៅថ្ងៃទី ១៩ ខែ មេសា ឆ្នាំ ១៩៥៨ គាត់គឺជាអ្នកជំនួញជនជាតិអៀរឡង់ និងជាស្ថាបនិករបស់ក្រុមហ៊ុន Digicel ដែលជាក្រុមហ៊ុនផ្តល់សេវាកម្មទូរគមនាគមន៍ ។ គាត់ត្រូវបានចុះនៅក្នុងបញ្ជីមហាសេដ្ឋីពិភពលោកកំពូលៗ ទាំង ២០០ នៅលើពិភពលោកក្នុងឆ្នាំ ២០១៥ និងអ្នកមានជាងគេបំផុតនៅប្រទេសអៀរឡង់ ។

ការអប់រំ៖

លោក Denis បានសិក្សាផ្នែកនយោបាយប្រវត្តិសាស្រ្ត និងតក្កវិជ្ជានៅមហាវិទ្យាល័យ Dublin នៃសាកលវិទ្យាល័យដោយបានបញ្ចប់ការសិក្សានៅឆ្នាំ ១៩៧៧ ។ ហើយក្រោយមកគាត់បានទទួលអាហារូបករណ៍ពីមហាវិទ្យាល័យបូស្តុនខណៈពេលដែលគាត់កំពុងសិក្សានៅសាលា UCD ។ គាត់បានបញ្ចប់ការសិស្សាផ្នែកអនុបណ្ឌិត និងផ្នែកហិរញ្ញវត្ថុនៅក្នុងឆ្នាំ ១៩៨២ ។

អាជីព៖

លោក Denis គឺជាម្ចាស់ក្រុមហ៊ុន Communicorp ដែលជាក្រុមហ៊ុនកាន់កាប់លើប្រព័ន្ធផ្សព្វផ្សាយនៅទូទាំងទ្វីបអឺរ៉ុបជាពិសេសនៅក្នុងប្រទេសអៀរឡង់ ។​​ ហើយគាត់ក៏ជាអ្នកគ្រប់គ្រងស្ថានីយ៏វិទ្យុជាតិរួមមានស្ថានីយ៍ដូចជា Newstalk និងស្ថានីយ៍ Today FM ។ កាសែតញូវយ៉កថែមស៍បានលើកទ្បើងពីលោក Denis ថាជា “វិនិយោគិនដ៏ធំបំផុតនៅក្នុងប្រព័ន្ធផ្សព្វផ្សាយរបស់ប្រទេសអៀរឡង់” ។

លោក Denis គឺជាអ្នកគ្រប់គ្រងក្រុមហ៊ុនសារព័ត៌មាន និងប្រព័ន្ធផ្សព្វផ្សាយឯករាជ្យអៀរឡង់ និងជាម្ចាស់កាសែត Daily Star និង Sunday Independent, the Sunday World, Dublin’s Evening Herald និង regional newspapers ។ លោក Denis ក៏ជាម្ចាស់ក្រុមហ៊ុនផ្តល់សេវាទូរគមនាគមន៍ Digicel ដែលប្រតិបត្តិការនៅក្នុងទីផ្សារចំនួន ៣១ នៅទូទាំងតំបន់ការីបៀន​ អាមេរិកកណ្តាល និងអូសេអានី ។

គាត់គឺជាប្រធានក្រុមហ៊ុន Esat Digifone ដោយទទួលបានអាជ្ញាប័ណ្ណទូរស័ព្ទចល័តក្នុងទសវត្សឆ្នាំ ១៩៩០ ។ លោក Denis បានបង្កើតក្រុមហ៊ុន Communicorp ក្នុងឆ្នាំ ១៩៨៩ ដោយបច្ចុប្បន្នក្រុមហ៊ុនមានស្ថានីយ៍វិទ្យុចំនួន ៤២ នៅក្នុងប្រទេសចំនួន ៨ និងនៅទ្វីបអឺរ៉ុបផងដែរ ។ នៅឆ្នាំ ១៩៩៩  គាត់បានក្លាយជាសហស្ថាបនិករបស់ក្រុមហ៊ុនផលិតយន្តហោះពាណិជ្ជកម្មអន្តរជាតិ Aergo Capital ដោយបានចុះបញ្ជីនៅក្នុងទីក្រុង Dublin ដែលមានការិយាល័យនៅ Johannesburg, Nairobi និង Santiago និងសិង្ហបុរី ។

នៅឆ្នាំ ២០០១ លោក Denis បានបង្កើតក្រុមហ៊ុន  Digicel ដែលជាក្រុមហ៊ុនផ្តល់សេវាកម្មទូរគមនាគមន៍។ ហើយគាត់ក៏ជាម្ចាស់ក្រុមហ៊ុន Topaz Energy ចាប់ពីឆ្នាំ ២០១៣ រហូតដល់ដើមឆ្នាំ ២០១៦ និងមានចំណាប់អារម្មណ៍យ៉ាងខ្លាំងទៅលើក្រុមហ៊ុន Sterling Energy ។

ប្រភព៖ Phnom Penh HR