តើពាក្យ «កម្មវិធី» មានន័យដូចម្ដេច ?

កម្មវិធី

?ថ្នាក់ពាក្យជា នាមសព្ទ
មានន័យថា ( បា. —វិធី ) របៀប ឬបែបផែននៃកិច្ចការដែលត្រូវធ្វើ។
ឧទាហរណ៍៖ កម្មវិធីបុណ្យ ។

              បែបផែនបម្រុងធ្វើ លិខិតសរសេរដោយដៃ ឬបោះពុម្ពឱ្យដំណឹងយ៉ាងពិស្តារ ពីរយៈនៃពិធី ឬពីរឿងរបាំដែលត្រូវសំដែង ការរៀបរាប់ពីការផ្សាយវិទ្យុតាមកម្រិតម៉ោង នៃមន្ទីរឃោសនាការ ឬផ្សាយពីមាគ៌ាខាងនយោបាយរបស់គណបក្ស ក៏ទុកជាកម្មវិធីដែរ។

?ថ្នាក់ពាក្យជា ហិរញ្ញវត្ថុសាធារណៈ

មានន័យថា វាក្យសព្ទនេះមាននិយមន័យច្រើន ដូចខាងក្រោម៖ ១. ក្រុមនៃអនុកម្មវិធី ឬ/និងក្រុមនៃចង្កោមសកម្មភាពដែលមានលក្ខណៈឯករាជ្យ តែមានទំនាក់ទំនងគ្នាយ៉ាងជិតស្និទ្ធ ហើយត្រូវបានរៀបចំឡើង ដើម្បីរួមចំណែកសម្រេចបាននូវគោលបំណងគោលនយោបាយរួមមួយ និងមានបញ្ជាក់ពីសកម្មភាពដែលត្រូវអនុវត្តលទ្ធផលក្នុងឆ្នាំ លទ្ធផលចុងក្រោយ ព្រមទាំងសូចនាករដែលជាមូលដ្ឋាន សម្រាប់ការត្រួតពិនិត្យ និងវាយតម្លៃលទ្ធផលសម្រេចបានពីការអនុវត្តកម្មវិធី។ កម្មវិធីអាចត្រូវបានបែងចែកជាអនុកម្មវិធី។ ២. វិធីសាស្រ្តក្នុងការអនុវត្ត ដើម្បីសម្រេចបាននូវគោលបំណងគោលនយោបាយ។ កម្មវិធីក៏ជាមូលដ្ឋានសម្រាប់បង្កើតអនុកម្មវិធីផងដែរ។ ៣. ការឆ្លុះបញ្ចាំងស៊ីសង្វាក់នឹងគោលនយោបាយរបស់ក្រសួង ដែលជាផ្នែកមួយនៃផែនការយុទ្ធសាស្រ្តអភិវឌ្ឍន៍ជាតិ។ ក្រសួងអាទិភាពនីមួយៗ ត្រូវមានកម្មវិធីមួយ ឬច្រើនទៅតាមតម្រូវការផែនការយុទ្ធសាស្រ្តរបស់ខ្លួន។ ក្នុងកម្មវិធីនីមួយៗ អាចចែកចេញជាអនុកម្មវិធីច្រើនទៀត។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត