តើពាក្យ «ជើង» មានន័យដូចម្ដេច ?

ជើង

?ថ្នាក់ពាក្យជា នាមសព្ទ
មានន័យថា អវយវៈប៉ែកខាងក្រោមសម្រាប់ឈរ, សម្រាប់ដើរ ។
ឧទាហរណ៍៖ ជើងមនុស្ស, ជើងមាន់ ។ ល ។

?ថ្នាក់ពាក្យជា គុណនាម
មានន័យថា ឈ្មោះទិសមួយផ្ទុយពីទិសខាងត្បូង, ទិសឧត្ដរ ។
ឧទាហរណ៍៖ ផ្ទះប្អូនខ្ញុំនៅខាងជើងផ្សារ ។

                តាមទំនៀមខ្មែរយើងពីបុរាណ នៅវេលាដេក គេតែងសណ្ដូកជើងទៅខាងទិសនោះ បានជាហៅទិស ខាងជើង ។ កុំប្រើថា ជើង, ត្បូង, កើត, លិច ឬ ឡិច ឡើយ, ត្រូវប្រើពាក្យ ខាង ឬ ឯផ្សំផងជាដរាប ។
ឧទាហរណ៍៖ ខាងកើត, ខាងត្បូង, ខាងលិច, ខាងជើង, ឬ ឯកើត, ឯត្បូង, ឯលិច, ឯជើង ។