តើពាក្យ «ដីសាធារណៈរបស់រដ្ឋ» មានន័យដូចម្ដេច ?

ដីសាធារណៈរបស់រដ្ឋ

?ថ្នាក់ពាក្យជា ទ្រព្យសម្បត្តិរដ្ឋ
មានន័យថា ដីដែលមានជាប់ផលប្រយោជន៍សាធារណៈ និងឋិតនៅក្នុងប្រភេទជាក់លាក់ នៃទ្រព្យដែលមានផលប្រយោជន៍សាធារណៈ ដូចខាងក្រោម៖ ក-ទ្រព្យទាំងឡាយដែលបង្ហាញការកើតឡើងពីធម្មជាតិ ដូចជា៖ ▪១-ព្រៃឈើ។ ▪២-ផ្លូវទឹកដែលនាវា ឬក្បូនអាចចេញចូលបានបណ្ដែតបាន។ ▪៣-បឹងធម្មជាតិ។ ▪៤-ច្រាំងទន្លេដែលនាវា ឬក្បូនចេញចូលបាន បណ្ដែតបាន។ ▪៥-ត្រើយសមុទ្រ។ ខ-ទ្រព្យទាំងឡាយ ដែលជាកម្មវត្ថុនៃការរៀបចំពិសេសសម្រាប់ប្រយោជន៍សាធារណៈទូទៅ ដូចជា៖ ▪១-តីរឋាន។ ▪២-កំពង់ផែ។ ▪៣-ផ្លូវដែក។ ▪៤-ស្ថានីយរថភ្លើង។ ▪៥-ព្រលានយន្តហោះ។ គ-ទ្រព្យទាំងឡាយដែលត្រូវបានដាក់ឱ្យប្រើប្រាស់ជាសាធារណៈ តាមស្ថានភាពពីកំណើត ឬក្រោយពីបានរៀបចំ ដូចជា៖ ▪១-ផ្លូវថ្នល់។ ▪២-ផ្លូវលំ។ ▪៣-ផ្លូវរទេះ។ ▪៤-ផ្លូវដើរ។ ▪៥-សួនច្បារ ឧទ្យានសាធារណៈ។ ▪៦-ដីចំណី។ ឃ-ទ្រព្យទាំងឡាយ ដែលត្រូវបានដាក់ឱ្យដំណើរការសម្រាប់សេវាសាធារណៈ ដូចជា៖ ▪១-សាលារៀន ឬអគារសិក្សាសាធារណៈ។ ▪២-អគាររដ្ឋបាល។ ▪៣-មន្ទីរពេទ្យសាធារណៈ។ ង-ដែនបម្រុងធម្មជាតិការពារដោយច្បាប់។ ច-បេតិកភណ្ឌបុរាណវិទ្យា វប្បធម៌ និងប្រវត្តិសាស្រ្ត។ ឆ-អចលនវត្ថុជាព្រះរាជទ្រព្យ ដែលមិនមែនជាទ្រព្យសម្បត្តិឯកជនរបស់ព្រះរាជវង្សានុវង្ស។ ជ-ដីផ្សេងៗទៀតដែលមានចរិតបម្រើផលប្រយោជន៍សាធារណៈ និងដីដែលមានមូលដ្ឋានគតិយុត្តកំណត់រួចហើយ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត