តើពាក្យ «ដួង» មានន័យដូចម្ដេច ?

ដួង

?ថ្នាក់ពាក្យជា នាមសព្ទ
មានន័យថា ដង្កូវពួកមួយ ច្រើនកើតក្នុងឈើពុក, ក្នុងដីធូរសើម ដែលមានជីខ្លាំង, ក្នុងដើមវល្លិមានវល្លិខ្ញែជាដើម. . . ។ ឈ្មោះប្រាក់សម្រាប់ចាយមួយបែប មានរូបសណ្ឋានស្រដៀងនឹងរូបដង្កូវដួង, មានប្រើតែពីក្នុងសម័យបុរាណ : ប្រាក់ដួង ។ អ្វីៗ ដែលមានរូបសណ្ឋានមូលភ្លឺ, រុងរឿង : ដួងព្រះអាទិត្យ, ដួងព្រះចន្រ្ទ ឬ ដួងខែ, ដួងតារា ឬ ដួងផ្កាយ, ដួងត្រា ។ ដួងចិត្ត ឬ ដួងចៃ ( ស. ចៃ “ចិត្ត” ) ហទយវត្ថុ, តួចិត្ត ( ចិត្ត១ដួង គឺតួចិត្តមួយដែលកើតឡើង ) ។ ដួងជីវន្ត, ដួងជីវា ឬ ដួងជីវ៉ា, ដួងជីវិត,ដួងជីវិន តួជីវិត; ពាក្យហៅស្ត្រីជាគូស្នេហា ស្រឡាញ់ស្មើជីវិត ( ម. ព. ជីវន្ត, ជីវិត, ជីវិន ផង ) ។ ដួងវិញ្ញាណ តួវិញ្ញាណ ។ ដួងសមរ ពាក្យហៅស្ត្រីជាគូកម្សត់ដែលរួមស្លាប់រស់ជាមួយគ្នា; ហៅក្លាយតាមសៀមថា ដួងសម៉ន ក៏មានខ្លះ ( ម. ព. សមរ ផង ) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត