តើពាក្យ «ឋ» មានន័យដូចម្ដេច ?

ឋ

មានន័យថា ព្យញ្ជនៈ ទី២ ក្នុងវគ្គទី ៣ ជាមុទ្ធជៈ មានសំឡេងកើតក្នុងក្បាល គឺមានសំឡេងលាន់ឮទៅខាងក្បាល ផ្សេងពីសំឡេង ថ ទន្តជៈ ដែលឮសូរចេញត្រង់ប្រទល់ធ្មេញ, សំ. បា. ថា ដ្ហៈ ឬ ត្ហ៎ៈ សូរជាមុទ្ធជៈ, ផ្សេងគ្នាពី ត្ហៈ ទន្ដជៈ, ជាធនិតអឃោសៈ, ខាង សំ. បា. អ. ថ. ដៈ ដ្ហៈ ឬ ត៎ៈ ត្ហ៎ៈ ( បើកមាត់រលាស់ចុងអណ្ដាតទៅខាងលើ, កុំឲ្យដូច តៈ ត្ហៈ ដែលរលាស់ចុងអណ្ដាតឲ្យរះត្រង់ប្រទល់ធ្មេញ ) ។ ប៉ុន្តែខាងភាសាខ្មែរយើង អានឮ ឋ ថ ដូចគ្នា** ។ **ឃ្លា “ដូចគ្នា” ត្រូវបានកែសម្រួលពីឃ្លាដើម “ដូចជាគ្នា” ទើបសមស្របតាមបរិបទនេះ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត