លោកមហាសេដ្ឋី T. S. Kalyanaraman ជាប្រធាន និងជានាយកប្រតិបត្តិរបស់ក្រុមហ៊ុន Kalyan Jewelers

លោក T. S. Kalyanaraman កើតនៅឆ្នាំ ១៩៥១ ដែលជាសហគ្រិនជនជាតិឥណ្ឌា ។ គាត់គឺជាប្រធាន និងជានាយកប្រតិបត្តិរបស់ក្រុមហ៊ុន Kalyan Jewelers និងក្រុមហ៊ុន Kalyan Developers ផងដែរ ។

អាជីព៖

លោក Kalyan បានចាប់ផ្តើមបង្កើតហាងលក់គ្រឿងអលង្ការដំបូងរបស់គាត់ដែលមានឈ្មោះថា Kalyan Jewelers នៅក្នុងទីក្រុង Thrissur ដែលបានបង្កើតទ្បើងក្នុងឆ្នាំ ១៩៩៣ ។ ក្នុងឆ្នាំ ២០១៦ យោងតាមរយះទស្សនាវដ្តី Forbes បានចាត់ថ្នាក់លោក Kalyan ទៅក្នុងចញ្ជីឈ្មោះមហាសេដ្ឋីពិភពលោកជាមួយនឹងទ្រព្យសម្បត្តិសុទ្ធប្រមាណ ១,២ ពាន់លានដុល្លារ ។

ទ្រព្យសម្បត្តិ៖ T. S. Kalyanaraman

លោក Kalyanaraman គឺជាពាណិជ្ជករឥណ្ឌាជនជាតិម្នាក់ដែលមានទ្រព្យសម្បត្តិសុទ្ធប្រមាណ ១ ពាន់លានដុល្លារ ។ គាត់គឺជាស្ថាបនិក និងជានាយកប្រតិបត្តិរបស់ក្រុមហ៊ុន Kalyan Jewelers ដែលជាក្រុមហ៊ុនលក់គ្រឿងអលង្ការនៅប្រទេសឥណ្ឌា ។ អស់រយៈពេលជាច្រើនឆ្នាំមកហើយយីហោគ្រឿងអលង្ការរបស់គាត់ទទួលបានការទុកចិត្តពីអតិថិជនយ៉ាងខ្លាំង ។

នៅឆ្នាំ ១៩៥១ នៅក្នុងទីក្រុង Thrissur រដ្ឋ Kerala ឪពុករបស់គាត់បានចាប់ផ្តើមបង្កើតរោងម៉ាស៊ីនកាត់ដេរហើយគាត់បានរៀនពីខ្លឹមសារនៃអាជីវកម្មដែលឪពុករបស់គាត់បានបើក ។ នៅពេលជំនួញរបស់ឪពុកគាត់បានធ្វើឯកជនភាវូបនីយកម្មគាត់បានសម្រេចចិត្តចាប់ផ្តើមបង្កើតក្រុមហ៊ុនលក់គ្រឿងអលង្ការមួយនៅឆ្នាំ ១៩៩៣ ។

បច្ចុប្បន្ននេះក្រុមហ៊ុនលក់គ្រឿងអលង្ការរបស់លោក Kalyan មានប្រជាប្រិយភាពខ្លាំង ។ ថ្មីៗនេះក្រុមហ៊ុនរបស់គាត់បានពង្រីកទៅជាការអភិវឌ្ឍទ្រព្យសម្បត្តិតាមរយៈក្រុមហ៊ុន Kalyan Group ដែលមហាយីហោ Kalyan Silks, Kalyan Jewelers, Kalyan Sarees និង Kalyan Collections ផងដែរ ។

ប្រភព៖ Phnom Penh HR