លោកមហាសេដ្ឋី Marc Andreessen ជាសហអ្នកនិពន្ធ Mosaic ដែលជាកម្មវិធីរុករកអ៊ីនធឺណិតដំបូងគេដែលត្រូវបានគេប្រើយ៉ាងទូលំទូលាយ

លោក Marc Lowell Andreessen កើតនៅថ្ងៃទី ០៩ ខែ កក្កដា ឆ្នាំ ១៩៧១ ដែលជាសហគ្រិនជនជាតិអាមេរិក និងជាអ្នកវិនិយោគ និងវិស្វករផ្នែក software ។ គាត់គឺជាសហអ្នកនិពន្ធ Mosaic ដែលជាកម្មវិធីរុករកអ៊ីនធឺណិតដំបូងគេដែលត្រូវបានគេប្រើយ៉ាងទូលំទូលាយ ។ លោក Marc បានលក់ក្រុមហ៊ុនសូហ្វវែរ Opsware ទៅឲ្យក្រុមហ៊ុន Hewlett-Packard ។ គាត់ក៏ជាសហស្ថាបនិករបស់ក្រុមហ៊ុន Ning ដែលជាក្រុមហ៊ុនផ្តល់វេទិកាសម្រាប់គេហទំព័របណ្តាញសង្គមម្នាក់ផងដែរ ។ គាត់អង្គុយនៅក្នុងក្រុមប្រឹក្សាភិបាលនៃក្រុមហ៊ុន Facebook, eBay​ និងក្រុមហ៊ុន Hewlett Packard Enterprise ។ 

ជីវិតដំបូង៖

លោក Andreessen កើតនៅទីក្រុង Cedar Falls រដ្ឋ Iowa និងធំទ្បើងនៅទីក្រុង New Lisbon រដ្ឋ Wisconsin ។ គាត់គឺជាកូនប្រុសរបស់លោកស្រី Patricia និង Lowell Andreessen ។ នៅខែ ធ្នូ ឆ្នាំ ១៩៩៣ គាត់បានទទួលបរិញ្ញាបត្រផ្នែកវិទ្យាសាស្ត្រកុំព្យូទ័រពីសាកលវិទ្យាល័យអ៊ីលីណយ ។ បន្ទាប់មកគាត់ក៏បានធ្វើការនៅមជ្ឈមណ្ឌលជាតិសម្រាប់កម្មវិធីកុំព្យូទ័រទំនើប (NCSA) នៅសាកលវិទ្យាល័យអ៊ីលីណយ ។ លោក Andreessen និងមិត្តរួមការងាររបស់គាត់បានរួមគ្នាសហការធ្វើការបង្កើតកម្មវិធីរុករកដែលងាយស្រួលប្រើជាមួយក្រាហ្វិករួមបញ្ចូលគ្នាដែលអាចដំណើរការលើកុំព្យូទ័រជាច្រើនប្រភេទ ។ 

ប្រភព៖ Phnom Penh HR