លោកមហាសេដ្ឋី Liu Yongxing ជាស្ថាបនិក និងជានាយកប្រតិបត្តិរបស់ក្រុមហ៊ុន East Hope Group ដែលជាក្រុមហ៊ុនវិនិយោគនៅក្នុងវិស័យកសិ-ឧស្សាហកម្

លោក Liu Yongxing កើតនៅខែ មិថុនា ឆ្នាំ ១៩៤៨ ដែលជាពាណិជ្ជករជនជាតិចិន ។ គាត់គឺជាស្ថាបនិក និងជានាយកប្រតិបត្តិរបស់ក្រុមហ៊ុន East Hope Group ដែលជាក្រុមហ៊ុនវិនិយោគនៅក្នុងវិស័យកសិ-ឧស្សាហកម្ម និងជាក្រុមហ៊ុនឧស្សាហកម្មគីមី និងលោហធាតុ ។ គាត់ក៏ជាប្រធានសភាពាណិជ្ជកម្មសៀងហៃនៅខេត្តស៊ីឈួន និងជាសាស្ត្រាចារ្យម្នាក់នៅសាកលវិទ្យាល័យកសិកម្ម និងជាសមាជិកគណៈកម្មាធិការអចិន្ត្រៃយ៍នៃគណះបក្ស CPPCC ផងដែរ ។

លោក Liu Yongxing កើតនៅខេត្តស៊ីឈួនប្រទេសចិននិងមានបងប្អូនបីនាក់គឺលីវយ៉ុងយ៉ាន (言言) ចេនយូស៊ីន (陈育新) និងលីវយ៉ុងហាវ (刘永好) ព្រមទាំងបងស្រីម្នាក់ឈ្មោះលីវយ៉ុងហុង (刘永红) ។ គាត់បានបញ្ចប់ការសិក្សាពីសាកលវិទ្យាល័យស៊ីហួក្នុងឆ្នាំ ១៩៦៨ ។

អាជីព៖

អាជីវកម្មដំបូងនៅចុងទស្សវត្សរ៍ឆ្នាំ ១៩៧០ លោក Liu និងបងប្រុសរបស់គាត់បានបង្កើតក្រុមហ៊ុនអេឡិចត្រូនិកមួយ ។​ ក្រោយមកវាត្រូវបានបិទមិនយូរប៉ុន្មានដោយសារតែការធ្វើអាជីវកម្មបែបនេះត្រូវបានគេចាត់ទុកថាជា “មូលធននិយមពេក” នៅពេលនោះ ។ បន្ទាប់មកពួកគេបានចាប់ផ្តើមបង្កើតអាជីវកម្មចំណីសត្វនៅឆ្នាំ ១៩៨២ នៅពេលដែលបងប្អូនទាំងបួននាក់បានចាប់ផ្តើមបង្កើតក្រុមហ៊ុន Hope Group ។

នៅឆ្នាំ ១៩៩២ ក្រុមហ៊ុន Hope Group ត្រូវបានបែងចែកជា ៤ ក្រុមហ៊ុនដាច់ដោយឡែកពីគ្នាដែលជាបងប្អូនរបស់ Liu Yongxing បានបង្កើតបានជាក្រុមហ៊ុន West Hope Group (Chen Yuxin) ក្រុមហ៊ុន New Hope Group (Liu Yonghai) និងក្រុមហ៊ុន Continental Hope Group (Liu Yongyan) ។ លោក Liu Yongxing បានរក្សាផ្នែកខ្លះនៃអាជីវកម្មកសិកម្ម និងការចូលរួមចំណែកក្នុងឧស្សាហកម្មគីមី និងអាលុយមីញ៉ូមធុនធ្ងន់ដែលនៅទីបំផុតគាត់បាននាំឱ្យមានការបង្កើតក្រុមហ៊ុន East Hope Group នៅឆ្នាំ ១៩៩៥ ដែលជាក្រុមហ៊ុនផលិតអាលុយមីញ៉ូមដ៏ធំបំផុតមួយនៅទូទាំងពិភពលោក ។

ទ្រព្យសម្បតិ្ត៖ Liu Yongxing

លោក Liu Yongxing ត្រូវបានគេចាត់ទុកថាជាមនុស្សម្នាក់ក្នុងចំណោមអ្នកមានជាងគេបំផុតនៅក្នុងប្រទេសចិន ។ គាត់ត្រូវបានគេចាត់ចូលទៅក្នុងបញ្ជីឈ្មោះមហាសេដ្ឋីពិភពលោកដោយទស្សនាវដ្តី Forbes ជាមួយនឹងទ្រព្យសម្បត្តិសរុប ៦.៦ ពាន់លានដុល្លារដែលធ្វើឱ្យបានគាត់ក្លាយជាអ្នកមានជាងគេបំផុតនៅទីក្រុងសៀងហៃ ។ នេះបើយោងតាមរយះសន្ទស្សន៍មហាសេដ្ឋីរបស់ទស្សនាវដ្តី Bloomberg បានដាក់ចំណាត់ថ្នាក់គាត់នៅលេខ ៩៣ នៅទូទាំងពិភពលោកជាមួយទ្រព្យសម្បត្តិសុទ្ធសរុបចំនួន ១២,៣ ពាន់លានដុល្លារ ។

ប្រភព៖ Phnom Penh HR