លោកមហាសេដ្ឋី Alain Bouchard ជានាយកប្រតិបត្តិរបស់ក្រុមហ៊ុន Alimentation Couche-Tard

លោក Alain Bouchard គឺជាអ្នកជំនួញជនជាតិកាណាដា ។ គាត់គឺជាសហស្ថាបនិក និងជាប្រធានក្រុមហ៊ុន Alimentation Couche-Tard ។ គាត់ក៏ធ្លាប់បានបម្រើការនៅក្នុងក្រុមប្រឹក្សាភិបាលនៃ Atrium Innovations ហើយសាជីវកម្មទាំងពីរមានមូលដ្ឋាននៅកេបិច។ នៅអាយុ 24 ឆ្នាំ លោក Bouchard បានចាប់ផ្តើមធ្វើការឱ្យហាងលក់គ្រឿងទេស Provigo ។ នៅចុងទសវត្សរ៍ឆ្នាំ 1970 គាត់បានធ្វើការដោយឯករាជ្យជាអ្នកលក់រាយ មុនពេលបង្កើតក្រុមហ៊ុនផ្ទាល់ខ្លួនមួយដែលមានឈ្មោះថា Alimentation Couche-Tard ដែលត្រូវបានបង្កើតទ្បើងក្នុងឆ្នាំ 1980 ។

គាត់គឺជានាយកប្រតិបត្តិរបស់ក្រុមហ៊ុន Alimentation Couche-Tard ដែលបានបម្រើការចាប់តាំងពីឆ្នាំ 1980 រហូតដល់ឆ្នាំ 2014 លោក Bouchard បានដឹកនាំក្រុមហ៊ុនមួយនេះ ខណៈដែលវាត្រូវបានចាប់ផ្តើមពង្រីកដល់ជាង 12,500 នៅជុំវិញពិភពលោក។ ហើយគាត់ក៏ជាសមាជិកម្នាក់នៅក្នុងក្រុមប្រឹក្សាភិបាលនៃ Québecor ដែលបានបម្រើការចាប់តាំងពីឆ្នាំ 1997 រហូតដល់ឆ្នាំ 2009 ។

លោក Bouchard មានទ្រព្យសម្បត្តិសុទ្ធចំនួន $3.1 ពាន់លានដុល្លារគិតត្រឹមក្នុងឆ្នាំ 2017 ហើយគាត់ស្ថិតនៅក្នុងលំដាប់កំពូលទាំង 10 ដែលជាអ្នកមានជាងគេបំផុតនៅក្នុងរដ្ឋ Quebec និងជាអ្នកកំពូល 25 នៅក្នុងប្រទេសកាណាដា ។ គាត់ក៏ត្រូវគេបានតែងតាំងជានាយកប្រតិបត្តិឆ្នើមរបស់ប្រទេសកាណាដាផងដែរ ។ ឆ្នាំសម្រាប់ឆ្នាំ 2012 គាត់ក៏ជាអ្នកទទួលពានរង្វាន់អន្តរជាតិ Horatio Alger Award ម្នាក់ផងដែរ។

ប្រភព៖ Phnom Penh HR