លោកមហាសេដ្ឋី Steve Bisciotti ជាម្ចាស់ក្លឹបសហព័ន្ធកីទ្បាបាល់ទាត់ជម្រើសជាតិ Baltimore Ravens

លោក Steve J. Bisciotti កើតនៅថ្ងៃទី ១០ ខែ មេសា ឆ្នាំ ១៩៦០ គាត់គឺជាម្ចាស់ក្លឹបសហព័ន្ធកីទ្បាបាល់ទាត់ជម្រើសជាតិ Baltimore Ravens ។ ហើយគាត់បានបង្កើតក្រុមហ៊ុនបុគ្គលិកបច្ចេកទេសឯកជនមួយដែលត្រូវបានគេស្គាល់ថា Allegis Group ដែលជាក្រុមហ៊ុន Aerotek និង TEKsystems ។

លោក Steve Bisciotti ជាជនជាតិអ៊ីតាលីកាត់អាមេរិកដែលមានវណ្ណៈគ្រួសារខ្ពស់នៅក្នុងទីក្រុង Baltimore ។ ឪពុកម្តាយរបស់គាត់គឺលោក Bernard និងលោកស្រី Patricia Bisciotti បានផ្លាស់ទៅរស់នៅតំបន់ Severna រដ្ឋ Maryland ក្នុងខែ មីនា ឆ្នាំ ១៩៦១ ។ នៅឆ្នាំ ១៩៨២ លោក Bisciotti បានបញ្ចប់ការសិក្សាពីសាកលវិទ្យាល័យ Salisbury នៅរដ្ឋ Maryland ដោយទទួលបានសញ្ញាប័ត្រផ្នែកសិល្បៈសេរី​ ។

មួយឆ្នាំក្រោយមកនៅពេលគាត់មានអាយុ ២៣ ឆ្នាំលោក Bisciotti នឹងបងប្អូនជីដូនមួយរបស់គាត់គឺលោក Jim Davis បានចាប់ផ្តើមបង្កើតក្រុមហ៊ុន Aerotek ដែលជាក្រុមហ៊ុនបុគ្គលិកបច្ចេកទេសនៅក្នុងវិស័យអាកាសចរណ៍ និងបច្ចេកវិទ្យា ។ ដំណើរការក្រុមហ៊ុនរបស់លោក Bisciotti និងលោក Davis បានផលិតការលក់ចំនួន ១,៥ លានដុល្លារក្នុងឆ្នាំដំបូងរបស់ពួកគេ ។

ក្រុមហ៊ុន Aerotek បានរីកចម្រើនទៅជាក្រុមហ៊ុន Allegis Group ដែលឥឡូវនេះគឺជាក្រុមហ៊ុនបុគ្គលិកបច្ចេកទេសឯកជនមួយដែលបានកាន់កាប់ដោយឯកជនដ៏ធំជាងគេនៅសហរដ្ឋអាមេរិកនឹងនៅលំដាប់ទី ៤ នៅលើពិភពលោក ។ ការចូលរួមរបស់លោក Bisciotti ក្នុងអាជីវកម្មកីឡាបានធ្វើឱ្យក្រុមហ៊ុនរបស់គាត់មានភាពល្បីល្បាញជាខ្លាំង ។

ទ្រព្យសម្បត្តិ៖ Stephen Bisciotti

លោក Stephen Bisciotti មានទ្រព្យសម្បត្តិចំនួន ៤ ពាន់លានដុល្លារដែលធ្វើអោយគាត់បានក្លាយជាមនុស្សម្នាក់ដែលមានជាងគេបំផុតនៅរដ្ឋ Maryland ។ លោកBisciotti កើតនៅក្នុងទីក្រុង Philadelphia រដ្ឋ Pennsylvania​ ។  គាត់បានបញ្ចប់ការសិក្សាពីសាកលវិទ្យាល័យ Salisbury State និងបានបើកដំណើរការក្រុមហ៊ុនបុគ្គលិកបច្ចេកទេសឯកជនជាមួយបងប្អូនជីដូនមួយរបស់គាត់ ។ ក្រុមហ៊ុនដែលមានឈ្មោះថា Aerotek បានផ្គត់ផ្គង់បុគ្គលិកបច្ចេកទេសសម្រាប់វិស័យបច្ចេកវិទ្យា និងអវកាស ។

ចាប់តាំងពីពេលនោះមកក្រុមហ៊ុន Aerotek បានរីកចម្រើនទៅជាក្រុមហ៊ុន Allegis Group ដែលទទួលបានជោគជ័យយ៉ាងខ្លាំងដែលជាក្រុមហ៊ុនបុគ្គលិកបច្ចេកទេសឯកជនមួយដែលបានរកចំណូលទឹកប្រាក់រាប់លានដុល្លារហើយបច្ចុប្បន្ននេះក្រុមហ៊ុន Allegis Group គឺជាក្រុមហ៊ុនដ៏ធំជាងគេបំផុតនៅសហរដ្ឋអាមេរិក ។ នៅនិទាឃរដូវឆ្នាំ ២០០០ លោក Bisciotti បានទិញភាគហ៊ុន ៤៩% នៃក្រុមបាល់ទាត់របស់ Baltimore Ravens ។

បួនឆ្នាំក្រោយមកលោក Bisciotti បានទិញភាគហ៊ុន ៥១% បន្ថែមទៀតក្នុងតម្លៃ ៣២៥ លានដុល្លារ ។ ក្នុងឆ្នាំ ២០០៤ គាត់ក៏បានសាងសង់កន្លែងបណ្តុះបណ្តាលសម្រាប់ក្រុមបាល់ទាត់ Baltimore Ravens ដែលមានឈ្មោះហៅក្រៅថា The Castle ។ គាត់គឺជាម្ចាស់ក្រុមកីទ្បាសហព័ន្ធបាល់ទាត់ជម្រើសជាតិទី ២ នៃក្រុមកីឡាបាល់ទាត់នៅក្នុងក្លឹប NFL ហើយគាត់ត្រូវបានគេស្គាល់ថាជាម្ចាស់ក្លឹបកីឡាវាយកូនហ្គោល និងជិះទូក ។ បន្ថែមពីលើការស្រលាញ់បាល់ទាត់គាត់ក៏ជាអ្នកគាំទ្រក្រុមបាល់បោះរបស់សាកលវិទ្យាល័យម៉ារីលែនផងដែរ​ ។

ប្រភព៖ Phnom Penh HR