លោកមហាសេដ្ឋី Benjamin de Rothschild ជាប្រធានក្រុមហ៊ុន Edmond de Rothschild Group ដែលជាធនាគារស្វ៊ីសឯកជន

លោក​ Benjamin de Rothschild កើតនៅថ្ងៃទី ៣០ ខែ កក្កដា ឆ្នាំ ១៩៦៣  ដែលជាធនាគារិក និងជាអ្នកជំនួញជនជាតិបារាំង។ គាត់គឺជាប្រធានក្រុមហ៊ុន Edmond de Rothschild Group ដែលជាធនាគារស្វ៊ីសឯកជនដែលបង្កើតឡើងដោយឪពុករបស់គាត់ និងជាកម្មសិទ្ធិរបស់ក្រុមគ្រួសារ ។

គាត់បានកើតនៅទីក្រុង Neuilly-sur-Seine នៅប្រទេសបារាំងដែលជាកូនតែមួយគត់របស់លោក Baron Edmond Adolphe de Rothschild ដែលម្ចាស់ជាធនាគា និងម្តាយរបស់គាត់គឺលោកស្រី Nadine Lhopitalier គឺជាតារាសម្តែង ។ លោក Benjamin បានរៀបការជាមួយ Ariane de Rothschild (née Langner) នៅថ្ងៃទី ២៣ ខែ មករា ឆ្នាំ ១៩៩៩ ហើយពួកគេមានកូន ៤ នាក់ ។

ការអប់រំ៖

លោក Benjamin de Rothschild បានសិក្សានៅវិទ្យាស្ថានស្វីស Florimont និងទទួលបានបរិញ្ញាបត្រផ្នែកគ្រប់គ្រងអាជីវកម្មពីសាកលវិទ្យាល័យ Pepperdine ។

អាជីព៖

នៅឆ្នាំ ១៩៨៩ លោក Benjamin បានចាប់ផ្តើមបង្កើតក្រុមហ៊ុនផ្ទាល់ខ្លួនរបស់គាត់ដែលមានឈ្មោះថា Compagnie de Trésorerie Benjamin de Rothschild ដែលមានជំនាញក្នុងការគ្រប់គ្រងហានិភ័យផ្នែកហិរញ្ញវត្ថុ ។ បន្ទាប់ពីមរណភាពរបស់ឪពុកគាត់ក្នុងឆ្នាំ ១៩៩៧ គាត់បានក្លាយជាប្រធានក្រុមហ៊ុន Benjamin & Edmond de Rothschild group ។ បច្ចុប្បន្ននេះក្រុមហ៊ុន Benjamin & Edmond de Rothschild group មានវត្តមាននៅក្នុងវិស័យហិរញ្ញវត្ថុជាច្រើនរួមមានធនាគារឯកជន ការគ្រប់គ្រងទ្រព្យសម្បត្តិ ការគ្រប់គ្រងមូលនិធិ និងអាជីវកម្មសេវាកម្មប្រឹក្សា ។

លោក Benjamin ក៏ជាប្រធានក្រុមប្រឹក្សាភិបាលរបស់ក្រុមហ៊ុន Edmond de Rothschild និងជាប្រធានក្រុមប្រឹក្សាភិបាលនៃក្រុមហ៊ុន Compagnie Financière Edmond de Rothschild និងប្រធានក្រុមប្រឹក្សា CBR, Compagnie Benjamin de Rothschild SA និងជាប្រធានក្រុមប្រឹក្សាភិបាលនៃធនាគារឯកជន Banque privée Edmond de Rothschild SA Genève ។

ប្រភព៖ Phnom Penh HR