លោកមហាសេដ្ឋី Mario Gabelli ជាស្ថាបនិក និងជានាយកប្រតិបត្តិរបស់ក្រុមហ៊ុនវិនិយោគ Gabelli Asset Management ដែលជាក្រុមហ៊ុនវិនិយោគឯកជន

លោក Mario Joseph Gabelli កើតនៅថ្ងៃទី ១៩ ខែ មិថុនា ឆ្នាំ ១៩៤២ ដែលជាអ្នកវិនិយោគនៅក្នុងភាគហ៊ុនរបស់សហរដ្ឋអាមេរិក និងជាទីប្រឹក្សាវិនិយោគ និងជាអ្នកវិភាគផ្នែកហិរញ្ញវត្ថុ ។ គាត់គឺជាស្ថាបនិក និងជានាយកប្រតិបត្តិរបស់ក្រុមហ៊ុនវិនិយោគ Gabelli Asset Management (GAMCO Investors) ដែលជាក្រុមហ៊ុនវិនិយោគឯកជនដែលមានទីស្នាក់ការកណ្តាលនៅទីក្រុងញូវយ៉ក ។

នេះបើយោងតាមរយះទស្សនាវដ្តី Forbes បានឲ្យដឹងថាឈ្មោះរបស់គាត់ត្រូវបានចុះនៅក្នុងបញ្ជីឈ្មោះមហាសេដ្ឋីពិភពលោកលេខ ៣៤៦ និងបញ្ជីឈ្មោះមហាសេដ្ឋីជនជាតិអាមេរិកដែលជាអ្នកមានជាងគេបំផុតនៅឆ្នាំ ២០០៦ យោង​តាមរយះទស្សនាវដ្តី Forbes ។ ហើយគាត់ត្រូវបានគេប៉ាន់ស្មានថាទ្រព្យសម្បត្តិរបស់គាត់មានចំនួន ១ ពាន់លានដុល្លារគិតត្រឹមឆ្នាំ ២០១១។

លោក Mario បានចាប់ផ្តើមបង្កើតក្រុមហ៊ុនរបស់គាត់ក្នុងឆ្នាំ ១៩៧៧ ហើយក្រុមហ៊ុនរបស់គាត់បានរីកចម្រើនទៅជាក្រុមហ៊ុនសេវាកម្មហិរញ្ញវត្ថុចម្រុះ ។ ហើយគាត់ទទួលបានប្រាក់ចំណូលពីក្រុមហ៊ុនរបស់គាត់បាន ៥៨,២ លានដុល្លារក្នុងឆ្នាំ ២០០៤ និងរកចំណូលបានចំនួន ៥៨,២ លានដុល្លារក្នុងឆ្នាំ ២០០៦ ។ លោក Mario ទទួលបានប្រាក់ចំណូលចំនួន ៤៥,៩ លានដុល្លារក្នុងឆ្នាំ ២០០៨ ពីក្រុមហ៊ុន Gamco Investors ដែលជាការថយចុះ ៣៥ ភាគរយបើប្រៀបធៀបទៅនឹងសំណងរបស់គាត់ក្នុងឆ្នាំ ២០០៧ ចំនួន ៧០,៩ លានដុល្លារ ។

លោក Mario គឺជាអ្នកវិភាគហិរញ្ញវត្ថុ និងជាអតីតមន្រ្តីនៃក្រុមអ្នកវិភាគសន្តិសុខសង្គមញូវយ៉ក និងជាអ្នកវិភាគស្វ័យប្រវត្តិ​ ។ ហើយគាត់ក៏ធ្លាប់ធ្វើជាអ្នកអត្ថាធិប្បាយម្នាក់នៅក្នុងស្ថានីយទូរទស្សន៍របស់ CNBC, Bloomberg និង CNN ហើយគាត់បានបង្ហាញខ្លួនចំនួន ១០ ដងនៅក្នុងភាគហ៊ុនទីផ្សាររបស់ក្រុមហ៊ុន Wall Street របស់លោក Louis Rukeyser ផងដែរ ។

ទ្រព្យសម្បត្តិ៖ Mario Gabelli 

លោក Mario Gabelli គឺជាអ្នកវិនិយោគនៅក្នុងភាគហ៊ុនរបស់សហរដ្ឋអាមេរិក និងជាទីប្រឹក្សាវិនិយោគ និងជាអ្នកវិភាគហិរញ្ញវត្ថុដែលមានទ្រព្យសម្បត្តិសុទ្ធ ១,៨៦ ពាន់លានដុល្លារ ។ គាត់គឺជាស្ថាបនិក និងជានាយកប្រតិបត្តិរបស់ក្រុមហ៊ុន Gamco Investors ដែលជាក្រុមហ៊ុនវិនិយោគដ៏ធំនៅលើពិភពលោកជាមួយនឹងទឹកប្រាក់ជាង ៣០ ពាន់លានដុល្លារក្រោមការគ្រប់គ្រងរបស់គាត់ ។

លោក Mario បានបន្តបង្កើនជំនាញវិនិយោគរបស់គាត់ដំបូងគេនៅឯសាកលវិទ្យាល័យ Fordham ហើយក្រោយមកគាត់បានបន្តទៅរៀននៅឯសាលាពាណិជ្ជកម្មកូឡុំបៀជាកន្លែងដែលគាត់ត្រូវបានបង្រៀនដោយសាស្រ្តាចារ្យ Roger Murray ។ នៅពេលគាត់បានបញ្ចប់ការសិក្សាគាត់បានចំណាយពេលខ្លះដើម្បីធ្វើការនៅក្នុងក្រុមហ៊ុន Loeb, Rhoades & Co មុនពេលចាប់ផ្តើមបង្កើតក្រុមហ៊ុនវិនិយោគផ្ទាល់ខ្លួនរបស់គាត់គឺក្រុមហ៊ុន Gamco Investors ក្នុងឆ្នាំ ១៩៧៧ ។ ចាប់តាំងពីពេលនោះមកគាត់បានប្រែក្លាយក្រុមហ៊ុនរបស់គាត់ទៅជាក្រុមហ៊ុនសេវាកម្មហិរញ្ញវត្ថុចម្រុះ ។

សប្បុរធម៍៖

លោក Mario គឺជាអ្នកសប្បុរសធម៍ម្នាក់ដែលបានបរិច្ចាគប្រាក់ចំនួន ២៥ លានដុល្លារដល់ម្តាយរបស់គាត់នៅឯសាកលវិទ្យាល័យ Fordham ក្នុងឆ្នាំ ២០១០ ។ ជាមួយគ្នានេះដែរគាត់បានសន្យានឹងផ្តល់ប្រាក់ចំនួន ១៥ លានដុល្លារដើម្បីគាំទ្រដល់ការសាងសង់អគារសិក្សាថ្មីនៃសាលាពាណិជ្ជកម្មកូឡុំបៀនៅឆ្នាំ ២០១៣ ។

ប្រភព៖ Phnom Penh HR