លោកមហាសេដ្ឋី Alan Trefler ជាស្ថាបនិក និងជានាយកប្រតិបត្តិនៃក្រុមហ៊ុន Pegasystems

លោក Alan Trefler កើតនៅថ្ងៃទី ១០ ខែ មីនា ឆ្នាំ ១៩៥៦ ដែលជាពាណិជ្ជករជនជាតិអាមេរិក ។ គាត់គឺជាស្ថាបនិក និងជានាយកប្រតិបត្តិនៃក្រុមហ៊ុន Pegasystems ។ ហើយគាត់ក៏ជាប្រធានក្រុមប្រឹក្សាភិបាលរបស់ក្រុមហ៊ុនម្នាក់ផងដែរ ។

ជីវប្រវត្តិ៖

លោក Trefler ត្រូវបានចិញ្ចឹមបីបាច់នៅទីក្រុង Brookline រដ្ឋ Massachusetts ជាកន្លែងដែលគាត់បានបញ្ចប់ការសិក្សានៅវិទ្យាល័យ Brookline ។ ហើយក្រោយមកគាត់បានចូលរៀននៅឯមហាវិទ្យាល័យ Dartmouth ជាកន្លែងដែលគាត់បានបញ្ចប់បរិញ្ញាប័ត្រ B.S. ផ្នែកសេដ្ឋកិច្ច​និងវិទ្យាសាស្ត្រកុំព្យូទ័រក្នុងឆ្នាំ ១៩៧៧ ។

បន្ទាប់ពីគាត់បានបញ្ចប់ការសិក្សានៅមហាវិទ្យាល័យគាត់ក៏បានកាន់តួនាទីជាប្រធានគម្រោងជាន់ខ្ពស់របស់ក្រុមហ៊ុន Casher Associates Inc ដែលជាក្រុមហ៊ុនគ្រប់គ្រងដំណើរការអាជីវកម្មមួយនៅតំបន់ Chestnut Hill រដ្ឋ Massachusetts ។ ហើយបន្ទាប់មកគាត់បានប្តូរប្រពន្ធ័ TMI ដែលជាអ្នកគ្រប់គ្រងផលិតផលផ្ទេរប្រាក់មុនពេលបង្កើតក្រុមហ៊ុន Pegasystems នៅខែ មេសា ឆ្នាំ ១៩៨៣ ។

ក្នុងឆ្នាំ ១៩៩៥ លោក Trefler និងភរិយារបស់គាត់គឺលោកស្រី Pamela បានបង្កើតមូលនិធិ Trefler ដែលស្វែងរកការកែលំអឱកាសសិក្សាសំរាប់យុវជននៅទីក្រុងបូស្តុន ។ នៅពេលនោះពួកគេបានជួយបរិច្ចាគថវិកាចំនួន ១ លានដុល្លារដល់វិទ្យាល័យ Dorchester ។

នៅឆ្នាំ ១៩៩៨ លោក Trefler ត្រូវបានផ្តល់សិទ្ធិប៉ាតង់របស់សហរដ្ឋអាមេរិកសម្រាប់ស្ថាបត្យកម្មដែលមានមូលដ្ឋានគ្រឹះនៃច្បាប់ Pegasystems ដែលបានផ្តល់ក្របខ័ណ្ឌសម្រាប់ដំណោះស្រាយ BPM របស់ក្រុមហ៊ុន Pegasystems ។ នៅឆ្នាំ ២០០៩ លោក Trefler បានទទួលពានរង្វាន់កម្មវិធីកុំព្យូទ័រប្រចាំឆ្នាំ ។

ប្រភព៖ Phnom Penh HR