លោកមហាសេដ្ឋី Bill Gross ជាសហស្ថាបនិករបស់ក្រុមហ៊ុន Pacific Investment Management Co. Gross ដែលបានគ្រប់គ្រងលើមូលនិធិ PIMCO

លោក William Hunt “Bill” Gross កើតនៅថ្ងៃទី ១៣ ខែ មេសា ឆ្នាំ ១៩៤៤ ដែលជាវិនិយោគិនជនជាតិអាមេរិក និងជាអ្នកគ្រប់គ្រងមូលនិធិ​ និងជាសប្បុរសជន ។ គាត់គឺជាសហស្ថាបនិករបស់ក្រុមហ៊ុន Pacific Investment Management Co. Gross ដែលបានគ្រប់គ្រងលើមូលនិធិ PIMCO សរុបចំនួន ២៧០.០ កោដិដុល្លារ ។ លោក Bill បានចាកចេញពីក្រុមហ៊ុន Pimco និងចូលរួមជាមួយលោក Janus នៅខែ​ កញ្ញា​ ឆ្នាំ ២០១៤ ។

ជីវិតដំបូង និងការអប់រំ៖

លោក Bill កើតនៅទីក្រុង Middletown រដ្ឋ Ohio ។​ គាត់គឺជាកូនប្រុសម្នាក់របស់លោកស្រី Shirley (Tait) គឺជាមេផ្ទះហើយឪពុករបស់គាត់គឺលោក Sewell Mark Gross គឺជានាយកប្រតិបត្តិផ្នែកលក់របស់ក្រុមហ៊ុន AK Steel Holding ។ លោក Bill បានផ្លាស់ទីលំនៅជាមួយឪពុកម្តាយរបស់គាត់ទៅទីក្រុងសាន់ហ្វ្រាន់ស៊ីស្កូនៅឆ្នាំ ១៩៥៤ ។ បន្ទាប់មកគាត់បានចូលបម្រើការនៅក្នុងជួរកងទ័ពជើងទឹក និងទទួលបានអនុបណ្ឌិតពីសាលាគ្រប់គ្រង UCLA Anderson នៅឆ្នាំ ១៩៧១ ។

អាជីពវិនិយោគ៖

លោក Bill គឺជា CFA ដែលទទួលបានលិខិតបញ្ជាក់នៅពេលគាត់ធ្វើការជាអ្នកវិភាគផ្នែកវិនិយោគសម្រាប់ជីវិតនៅតំបន់ប៉ាស៊ីភិចរវាងឆ្នាំ ១៩៧១ និង ១៩៧៦ ។ គាត់បានគ្រប់គ្រងលើមូលនិធិមួយដែលភាគច្រើនបានផ្តោតលើមូលបត្របំណុលដោយត្រូវបានគេហៅថា “វិនិយោគិនមូលបត្របំណុលដ៏លេចធ្លោបំផុត” ។

នេះបើយោងតាមរយះកាសែតញូវយ៉កថែមស៍បានឲ្យដឹងថាគាត់បានបង្កើតសហគ្រាសគ្រប់គ្រងលើការវិនិយោគប៉ាស៊ីហ្វិក (PIMCO) និងបានគ្រប់គ្រងលើមូលនិធិ PIMCO ។ នៅខែ កញ្ញា ឆ្នាំ ២០០៨ លោក Bill បានកាន់កាប់មុខតំណែងធំៗ ជាច្រើនក្នុងសញ្ញាសំគាល់ប្រាក់កម្ចីមានទ្រព្យបញ្ចាំរបស់ទីភ្នាក់ងារដែលមានឈ្មោះថា Fannie Mae និង Freddie Mac សម្រាប់មូលនិធិរបស់ Gross ដែលមានចំនួន ១,៧ ពាន់លានដុល្លារអាមេរិកបន្ទាប់ពីការកាន់កាប់សហព័ន្ធរបស់ Fannie Mae និង Freddie Mac ។

ប្រភព៖ Phnom Penh HR