លោកមហាសេដ្ឋី Bob Parsons ជាអតីតប្រធាន និងជានាយកប្រតិបត្តិរបស់ក្រុមហ៊ុន GoDaddy group

លោក Robert Ralph “Bob” Parsons កើតនៅថ្ងៃទី ២៧ ខែ វិច្ឆិកា ឆ្នាំ ១៩៥០ ដែលជាសហគ្រិនជនជាតិអាមេរិក និងសប្បុរសជន ។ នៅឆ្នាំ ១៩៩៧ គាត់បានបង្កើតក្រុមហ៊ុន GoDaddy group រួមមានអត្រានុកូលដ្ឋាន GoDaddy.com ដែលជាភ្នាក់ងារលក់បន្តរបស់ក្រុមហ៊ុន Wild West Domains និង Blue Razor Domains ។

នៅខែ កក្កដា ឆ្នាំ ២០១១ លោក Parsons បានលក់ភាគហ៊ុនរបស់ក្រុមហ៊ុន GoDaddy ប្រមាណ ៧០ ភាគរយទៅឱ្យក្រុមហ៊ុនឯកជនមួយហើយបានលាលែងពីតំណែងជានាយកប្រតិបត្តិ ។ នៅខែ មិថុនា ឆ្នាំ ២០១៤ គាត់បានលាឈប់ពីតួនាទីជាប្រធាន និងជានាយកប្រតិបត្តិរបស់ក្រុមហ៊ុន ។ ហើយបច្ចុប្បន្ននេះគាត់បានបម្រើការនៅក្រុមប្រឹក្សាភិបាលរបស់ក្រុមហ៊ុន Go Daddy ។

លោក Parsons មានភាគហ៊ុន ២៨ ភាគរយនៃក្រុមហ៊ុន និងជាម្ចាស់ភាគហ៊ុនដ៏ធំបំផុតរបស់ខ្លួន ។ គិតត្រឹមខែ មេសា ឆ្នាំ ២០១៧ លោក Parsons មានទ្រព្យសម្បត្តិសរុបប្រមាណ ២,៦ ពាន់លានដុល្លារ ។ គាត់បានជាប់ចំណាត់ថ្នាក់លេខ ២៩០ នៅលើតារាងចំណាត់ថ្នាក់របស់ទស្សនាវដ្តី Forbes ៤០០ ដែលជាអ្នកមានជាងគេបំផុតនៅលើពិភពលោក ។

លោក Parsons គឺជានាយកប្រតិបត្តិ និងជាស្ថាបនិកនៃក្រុមហ៊ុន YAM Worldwide, Inc ដែលជាកន្លែងនៃការបណ្តាក់ទុនសហគ្រាសរបស់គាត់នៅក្នុងវិស័យកីឡាវាយកូនហ្គោល អចលនទ្រព្យ និងទីផ្សារ ។ ក្នុងឆ្នាំ ២០១២ លោក Parsons និងភរិយារបស់គាត់គឺលោកស្រី Renee បានបង្កើតមូលនិធិ Bob & Renee Parsons នៅតំបន់ Phoenix ដល់អង្គការមិនស្វែងរកប្រាក់ចំណេញ ។

នៅខែ ធ្នូ​ ឆ្នាំ ២០១៣ ពួកគេបានចូលរួមជាមួយអង្គការ The Giving Pledge ដែលជាគំនិតផ្តួចផ្តើមមួយចាប់ផ្តើមដោយលោក Bill និង Melinda Gates និង Warren Buffett ដែលតម្រូវឲ្យអ្នកចុះហត្ថលេខាត្រូវប្រគល់ទ្រព្យសម្បត្តិយ៉ាងហោចណាស់ពាក់កណ្តាលនៃទ្រព្យសម្បត្តិរបស់ពួកគេទៅដល់សប្បុរសធម៌ ។

ជីវប្រវត្តិ៖

លោក Parsons កើតនៅទីក្រុង Baltimore រដ្ឋ Maryland ។ គាត់បានចុះឈ្មោះចូលរួមនៅក្នុងជួរកងម៉ារីនរបស់សហរដ្ឋអាមេរិក ។ ហើយក្រោយមកគាត់ត្រូវបានគេចាត់តាំងឱ្យទៅធ្វើជាកងវរសេនាតូចសមុទ្រទី ២៦ ដែលត្រូវបានភ្ជាប់ និងប្រតិបត្តិការជាផ្នែកនៃកងម៉ារីនទី ១ ។

នៅឆ្នាំ ១៩៦៩ គាត់បានបម្រើការជាអ្នកបាញ់កាំភ្លើងម្នាក់នៅក្នុងក្រុមហ៊ុន Delta នៃកងវរសេនាតូចទី ១ ដែលជាកងម៉ារីន ២៦ ក្នុងដំណើរបំពេញកាតព្វកិច្ចនៅប្រទេសវៀតណាមក្នុងខេត្តឃ្វៀនណាម ។ គាត់ត្រូវបានរងរបួសនៅលើកាតព្វកិច្ចនិងបានជម្លៀសចេញនិងបានចំណាយពេលពីរខែនៅមន្ទីរពេទ្យកងទ័ពជើងទឹកជាសះស្បើយពីរបួសរបស់គាត់​ ។

ប្រភព៖ Phnom Penh HR