លោកមហាសេដ្ឋី Juan Carlos Escotet ជាស្ថាបនិកនៃក្រុមហ៊ុន Banesco

លោក Juan Carlos Escotet កើតនៅឆ្នាំ ១៩៥៩ គឺជាមហាសេដ្ឋីវេណេស៊ុយអេឡា​ និងជាស្ថាបនិកនៃក្រុមហ៊ុន Banesco ។

ជីវិតដំបូង៖

លោក Juan Carlos Escotet បានចាប់ផ្តើមធ្វើការងារនៅធនាគារនៅវេណេហ្ស៊ូអេឡាក្នុងឆ្នាំ ១៩៧៦ ។ ហើយគាត់បានទទួលសញ្ញាប័ត្រអនុបណ្ឌិតពីសាកលវិទ្យាល័យម៉ៃអាមី ។ បន្ទាប់ពីគាត់បានបញ្ចប់ការសិក្សាគាត់បានធ្វើការជានាយកប្រតិបត្តិរបស់ក្រុមហ៊ុន Sociedad Financiera Latinoamericana ។

ក្នុងទសវត្សឆ្នាំ ១៩៩០ គាត់បានប្រមូលប្រាក់គ្រប់គ្រាន់ដើម្បីទិញយកស្ថាប័នហិរញ្ញវត្ថុវេណេស៊ុយអេឡាដើម្បីឆ្លងកាត់វិបត្តិធនាគារ និងបង្កើតគ្រឹះស្ថាន Panama ផ្ទាល់របស់គាត់ ។ លោក Juan បានបង្កើតក្រុមហ៊ុនផ្ទាល់ខ្លួនមួយដែលមានឈ្មោះថា Banesco ហើយនៅឆ្នាំ ២០០០ គាត់បានរួមបញ្ចូលគ្នាជាមួយក្រុមហ៊ុន Banco Union ដែលជាក្រុមហ៊ុនរបស់គាត់ ។ ហើយក្រុមហ៊ុនរបស់គាត់មានសាខាផ្សេងទៀតនៅទីក្រុង Miami, Panama, Colombia, Curacao, សាធារណរដ្ឋ Dominican និង  Puerto Rico ។

ទ្រព្យសម្បត្តិ៖ Juan Carlos Escotet

លោក Juan Carlos Escotet គឺជាអ្នកជំនួញជនជាតិវេណេស៊ុយអេឡាដែលមានទ្រព្យសម្បត្តិសុទ្ធប្រមាណ ១,៦ ពាន់លានដុល្លារ ។ គាត់បានឆ្លងកាត់អាជីវកម្មដ៏លំបាកនៅក្នុងប្រទេសវេណេហ្ស៊ូអេឡាដើម្បីក្លាយជាប្រធានធនាគារ Banesco ។ ក្រុមហ៊ុន Banesco ត្រូវបានបង្កើតឡើងក្នុងឆ្នាំ ១៩៩២ ហើយសព្វថ្ងៃនេះវាគឺជាធនាគារដ៏ធំបំផុតមួយនៅអាមេរិកខាងត្បូងដែលមានសាខានៅប៉ាណាម៉ាសាធារណរដ្ឋដូមីនីកែន ព័រតូរីកូ កូឡុំប៊ី និងសហរដ្ឋអាមេរិក ។

ចំពោះការចាប់ផ្តើមអាជីពដំបូងរបស់គាត់គឺជាអ្នកនាំសាររបស់ក្រុមហ៊ុន Banco Union នៅពេលគាត់មានអាយុ ១៧ ឆ្នាំខណះដែលគាត់កំពុងសិក្សាផ្នែកសេដ្ឋកិច្ចនៅសាកលវិទ្យាល័យ ។ នៅឆ្នាំ ១៩៩១ លោក Juan បានបន្ថែមសេវាកម្មធនាគារហើយក្នុងប៉ុន្មានឆ្នាំខាងមុខគាត់បានពង្រីកការផ្តល់សេវាធានារ៉ាប់រងបន្ថែមទៀត ។

ហើយបីឆ្នាំក្រោយមកគាត់បានរួមបញ្ចូលធនាគាររបស់គាត់ជាមួយសហជីពដែលជាការចាប់ផ្តើមអាជីពហិរញ្ញវត្ថុថ្មីរបស់គាត់ ។ កាលពីឆ្នាំមុនក្រុមហ៊ុន Banesco បានផ្តល់ប្រាក់ចំនួន ៦៦ លានដុល្លារសម្រាប់ភាគហ៊ុនចំនួន ៧០% នៅក្នុងធនាគារ Banco Etcheverria ដែលជាធនាគារអេស្ប៉ាញដែលមានអាយុ ៣០០ ឆ្នាំ ។

ប្រភព៖ Phnom Penh HR