លោកមហាសេដ្ឋី Ayman Asfari ជានាយកប្រតិបត្តិនៃក្រុមហ៊ុន Petrofac ដែលជាក្រុមហ៊ុនផ្តល់ផ្នែកសេវាកម្មចម្រុះ

លោក Ayman Asfari កើតនៅថ្ងៃទី ០៨ ខែ កក្កដា ឆ្នាំ ១៩៥៨ ដែលជាអ្នកជំនួញជនជាតិអង់គ្លេស ។ គាត់គឺជានាយកប្រតិបត្តិនៃក្រុមហ៊ុន Petrofac ដែលជាក្រុមហ៊ុនផ្តល់ផ្នែកសេវាកម្មចម្រុះរបស់ចក្រភពអង់គ្លេស និងជាសេវាកម្មរួមបញ្ចូលគ្នាក្នុងឧស្សាហកម្មផលិតកម្ម និងផលិតកម្មប្រេងឧស្ម័ន និងថាមពល ។

ការអប់រំ៖

លោក Ayman បានបញ្ចប់ការសិក្សានៅសាកលវិទ្យាល័យ Villanova នៅទីក្រុង Philadelphia រដ្ឋ Pennsylvania សហរដ្ឋអាមេរិក ។ ហើយគាត់ទទួលបានបរិញ្ញាប័ត្រវិស្វកម្មសំណង់ស៊ីវិលពីសាកលវិទ្យាល័យ Pennsylvania ។

អាជីព៖

លោក Ayman បានចាប់ផ្តើមចូលរួមជាមួយក្រុមហ៊ុន Petrofac ក្នុងឆ្នាំ ១៩៩១ នៅពេលមានរោងចក្រតែ ១ នៅក្នុងទីក្រុង Tyler រដ្ឋ Texas ។ គាត់បានទិញយកក្រុមហ៊ុននោះនៅឆ្នាំ ២០០១ ។​ ហើយក្រុមហ៊ុនមួយនេះត្រូវបា​នដាក់បង្ហាញជាសាធារណៈនៅក្នុងទីផ្សារភាគហ៊ុនរបស់ទីក្រុងឡុងដ៍ក្នុងឆ្នាំ ២០០៥ ។

មុនពេលគាត់ចូលរួមជាមួយក្រុមហ៊ុន Petrofac គាត់បានបម្រើការជានាយកគ្រប់គ្រងអាជីវកម្មសំណង់ស៊ីវិល និងមេកានិកដែលមានមូលដ្ឋាននៅប្រទេសអូម៉ង់ ​។ កាលពីខែ កុម្ភៈ ឆ្នាំ ២០១៥ យោងតាមរយះទស្សនាវដ្តី Forbes បានឲ្យដឹងថាទ្រព្យសម្បត្តិសុទ្ធរបស់គាត់មានចំនួនសរុបប្រមាណ ១,២ ពាន់លានដុល្លារ ។ លោក Ayman បានឈ្នះពានរង្វាន់ចក្រភពអង់គ្លេសពី Ernst & Young ដែលជាសហគ្រិនឆ្នើមប្រចាំឆ្នាំ​ ។

សប្បុសរធម៍៖

មូលនិធិ Asfari ត្រូវបានបង្កើតឡើងក្នុងឆ្នាំ ២០០៦ ដោយលោក Ayman Asfari និងលោកស្រី Sawsan Asfari ដែលមានមូលដ្ឋាននៅក្នុងទីក្រុងឡុងដ៍ ។ ថវិកានេះត្រូវបានឧបត្ថម្ភដោយក្រុមគ្រួសាររបស់គាត់និងមានសមាជិកក្រុមប្រឹក្សាភិបាល ៥ រូបទៀត ។ មូលនិធិនេះបានគាំទ្រដល់គម្រោងនានាដែលលើកទឹកចិត្តដល់ការអភិវឌ្ឍសង្គមស៊ីវិលនិងផ្តល់ជំនួយមនុស្សធម៌នៅក្នុងគ្រាអាសន្ន ។

ប្រភព៖ Phnom Penh HR