លោកមហាសេដ្ឋី Carlos Hank Rhon ជាអ្នកវិនិយោគនៅក្នុងវិស័យឧស្សាហកម្មហិរញ្ញវត្ថុ និងឧស្សាហកម្មអចលនទ្រព្យ និងការដឹកជញ្ជូន

លោក Carlos Hank Rhon គឺជាអ្នកវិនិយោគនៅក្នុងវិស័យឧស្សាហកម្មហិរញ្ញវត្ថុ និងឧស្សាហកម្មអចលនទ្រព្យ និងការដឹកជញ្ជូន ។ គាត់គឺជាប្រធានក្រុមហ៊ុន Grupo Financiero Interacciones ហើយគ្រួសាររបស់គាត់បានកាន់កាប់ភាគហ៊ុនជាង ៧០% ។ នៅឆ្នាំ ២០១៤ កូនប្រុសរបស់គាត់គឺ Carlos Hank González បានចាកចេញពីក្រុមហ៊ុនហើយក្រោយមកកូនប្រុសរបស់គាត់បានក្លាយទៅជាប្រធានក្រុមប្រឹក្សាភិបាលនៃក្រុមហ៊ុន Grupo Financiero Banorte ។

លោក Carlos Hank Rhon គឺជាម្ចាស់ក្រុមហ៊ុន Grupo Hermes ដែលជាក្រុមហ៊ុនសាជីវកម្មចម្រុះដែលមានចំណាប់អារម្មណ៍ក្នុងវិស័យសំណង់ គម្រោងហេដ្ឋារចនាសម្ព័ន្ធ ថាមពល ការដឹកជញ្ជូន ទេសចរណ៍ និងការលក់រថយន្ត ។ គាត់គឺជាកូនប្រុសរបស់អ្នកនយោបាយដ៏ល្បីឈ្មោះគឺលោក Carlos Hank Gonzalez ដែលបានកាន់មុខតំណែងនៅក្នុងជួររដ្ឋាភិបាលសំខាន់ៗជាច្រើនរួមមានអភិបាលក្រុងម៉ិចស៊ីកូរដ្ឋមន្រ្តីក្រសួងកសិកម្ម និងជាអភិបាលរដ្ឋមិចស៊ីកូផងដែរ ។

ទ្រព្យសម្បត្តិ៖ Carlos Hank Rhon

លោក Carlos Hank Rhon គឺជាពាណិជ្ជករជនជាតិម៉ិចស៊ិកម្នាក់ដែលមានទ្រព្យសម្បត្តិសុទ្ធប្រមាណ ១,៩ ពាន់លានដុល្លារ ។ គ្រួសាររបស់គាត់មានភាគហ៊ុន ៩៣% នៃធនាគារហិរញ្ញវត្ថុម៉ិកស៊ិកគឺក្រុមហ៊ុន Grupo Financiero Interacciones ។ តាមពិតក្រុមគ្រួសាររបស់លោក Carlos Hank Rhon បានគ្រប់គ្រងក្រុមហ៊ុនសេវាកម្មហិរញ្ញវត្ថុមួយដែលមានឈ្មោះថា Banco Interacciones និងធនាគារវិនិយោគនៅម៉ិកស៊ិកតាមរយៈក្រុមហ៊ុនទាំងអស់ដែលមានទ្រព្យសម្បត្តិសរុបជិត ១,២ ពាន់លានដុល្លារ ។

ប្រភព៖ Phnom Penh HR